बेलौरी उद्योग वाणिज्य संघ आगामी कार्तिक ९ से २० गतेसम्म बेलौरीक खुलामञ्चमे चौथो बेलौरी पर्यटन महोत्सव तथा कृषि औद्योगिक व्यापार मेला–२०८३ आयोजना कर लागल बाट।
विहिवार्के, दिन संघक सभाहलमे आयोजित पत्रकार सम्मेलनमे आयोजक महोत्सवेक तयारी, उद्देश्य आ कार्यक्रमबारे जानकारी देटी यीपाला भव्य महोत्सवके तयारी होइटी रहल चौधरी खबरहन जानकारी देहल रलह।
महोत्सवमे कृषि तथा औद्योगिक उत्पादनक प्रदर्शनी आ बिक्री कक्ष, व्यापारिक स्टल, स्थानीय उत्पादन तथा हस्तकलाक सामग्री, खाद्यान्न आ विभिन्न स्थानीय पकैना स्टल फेन रही।
छोटछोट लरिकनका लाग बाल उद्यान आ मनोरञ्जनक गतिविधि सञ्चालन करी त स्थानीय कला, संस्कृति आ परम्परा झल्कौना सांस्कृतिक कार्यक्रमक सङ्घे स्थानीय आ राष्ट्रिय कलाकारक प्रस्तुति रही कहिके आयोजक जनाइल बा।
स्थानीय कृषि उपजक प्रदर्शनी आ बजारीकरणक लेउ प्राथमिकतामे राखल बा। किसान, उद्यमी आ व्यवसायीकन अपने उत्पादनक प्रचार–प्रसार आ बिक्रीक लाग प्रत्यक्ष अवसर उपलब्ध करैना संघक तयारी बा। ईसे स्थानीय उत्पादनक बजार विस्तारक सङ्घे व्यापार–व्यवसायमे सकारात्मक प्रभाव पर्ना अपेक्षा करल बाट
संघक अध्यक्ष प्रकाशराज पन्त महोत्सवहन स्थानीय अर्थतन्त्रसङ्गे जोड्के अगाडि बह्रैना बटैले बनी। उहाँ महोत्सवमार्फत स्थानीय उत्पादनहन बजारसङ्गे जोड्ना बाहेक बेलौरीक व्यापारिक गतिविधि विस्तार करना उद्देश्य रहल बटैली।
अध्यक्ष पन्त बेलौरी छोटी भन्सारहन मूल भन्सारक रूपमे विकास तथा प्रवर्द्धन करना महोत्सवेक मुख्य एजेन्डामेसे एकठो रहल बटैल।
छोटी भन्सारक स्तरोन्नति आ प्रभावकारी सञ्चालनसे सीमावर्ती व्यापार बह्रैना आ स्थानीय बजार तथा व्यवसायहन चलायमान बनाइमे सहयोग पुग्ना उहाँक भनाइ बा। “बेलौरी छोटी भन्सारहन मूल भन्सारक रूपमे प्रवर्द्धन करे लाग महोत्सव महत्वपूर्ण भूमिका निर्वाह करी। भन्सारक स्तरोन्नतिसङ्गे सीमावर्ती व्यापार विस्तार आ स्थानीय व्यवसायक विकासक लाग सम्बन्धित निकायेक ध्यानाकर्षण करैना हमार उद्देश्य हो,” पन्त बटैली।
महोत्सवसे बेलौरीक पर्यटन सम्भावना प्रवर्द्धनसङ्गे स्थानीय कला, संस्कृति आ मौलिकता जोगाइमे फेन योगदान पुर्याइना आयोजकक भनाइ बा। कृषि, उद्योग आ व्यापार क्षेत्रक उत्पादन तथा सेवाक प्रदर्शनीमार्फत स्थानीय बजार विस्तार करना लक्ष्य फेन रहल बा।
पत्रकार सम्मेलनमे स्थानीय सञ्चारकर्मीसङ्गे संघक निवर्तमान अध्यक्ष हिरासिंह बिष्ट, पूर्वअध्यक्षद्वय टेकबहादुर साउद आ आत्माराम दाहाल लगायत पदाधिकारी आ कार्यसमिति सदस्यहुकनके उपस्थिति रहे।
कार्यक्रममे अध्यक्ष पन्त, महासचिव रामेश्वर न्यौपाने, निवर्तमान अध्यक्ष हिरासिंह बिष्ट, पूर्वअध्यक्षद्वय टेकबहादुर साउद आ आत्माराम दाहाल तथा कार्यसमिति सदस्य तारासिंह बिष्ट लगायत महोत्सवेक विषयमे अपने धारणा रखले रहिँ।
अन्त्यमे, महोत्सव सञ्चालनक लाग पर्ना आवश्यक तयारी तीव्र रूपमे होइटी रहल आयोजक जनाइले बा।
