बेलौरी नगरपालिका–८ क क्यान्सर पीडित मनोज चौधरीक ह्वीलचेयर सहयोग करल बा।
साइकराइड क्लब महेन्द्रनगर, कञ्चनपुरक पदाधिकारी तथा सदस्यहुकनक सहयोग ओ समाजसेवी तीर्थराज बोहराक विशेष पहलमे चौधरीहन ह्वीलचेयर प्रदान करल गिल हो।
श्री जनज्योति माध्यमिक विद्यालयक प्रधानाध्यापक टेकराज अवस्थी ओ समाजसेवी बोहरा एक कार्यक्रमक बीच चौधरीक परिवारक सदस्यहुकनक ह्वीलचेयर हस्तान्तरण करले रहिट।
ह्वीलचेयर हस्तान्तरण कार्यक्रममे वडा सदस्य, शिक्षक तथा स्थानीयहुकनक उपस्थिति रहल रहै। सहयोगसे क्यान्सर पीडित चौधरीक दैनिक आवतजावतमे सहजता पुग्ना विश्वास करल बा।
मानवीय सेवाक रूपमे करल उ सहयोगसे समस्यामे परल मान्छेक राहत पुग्ना साथे समाजमे सहयोग ओ सहकार्यक भावना विकास करमेफे योगदान पुग्ना बाट शिक्षक सुरेन्द्रराज बोहरा बटोव्ले बाटै।
शिक्षक बोहरा आवश्यकतामे परल मान्छेक सहयोग कर्ना सामाजिक दायित्व हुइल ओरसे आइना दिनमेफे असिक मानवीय कामक निरन्तरता डेइक लाग सबहिन आग्रह करले बाटै।
