बेलौरी ब्याडमिन्टन क्लबके अध्यक्षमे दिलिप चन्द सर्वसम्मत चयन हुइल बाटै।
बिहीबार क्लबके सभाहलमे सक्कु हुइल अधिवेशनसे चन्दके नेतृत्वमे ११ जनाके नयाँ कार्यसमिति चयन करले बा।
नयाँ कार्यसमितिके उपाध्यक्षमे राजबहादुर चन्द, सचिवमे रजनीश भण्डारी अउर कोषाध्यक्षमे राजेश भट्ट चयन हुइल बाटै। सदस्यनमे सुरेन्द्रराज बोहरा, रामबहादुर मगर, कैलाश सिंह बिष्ट, अशोक चौधरी, रविन्द्र श्रेष्ठ, दिनेश चौधरी अउर सन्तोष साउद रहल बाटै।
खेलप्रेमी युवा महेन्द्र सिंह बुडालके अनुसार पदाधिकारी अउर सदस्यसभ सर्वसम्मत रुपमे चयन हुइल हुइट्। नवनिर्वाचित कार्यसमितिकिन निवर्तमान अध्यक्ष अशोक श्रेष्ठ पदभार ग्रहण करैले रहैं।
बेलौरी क्षेत्रमे ब्याडमिन्टन खेलके विकास अउर खेलाडी उत्पादनमे क्लबले कर्टी आइल भूमिकाकिन निरन्तरता डेटी नयाँ नेतृत्वले ट्रेनिङ, प्रतियोगिता अउर खेल गतिविधिलाइन अउर व्यवस्थित बनाइना अपेक्षा करल बा।
कार्यक्रममे निवर्तमान अध्यक्ष श्रेष्ठके कार्यकालमे क्लबके काम कारबाही विस्तार अउर खेल क्षेत्रके विकासमे पहुँचाएल योगदानके प्रशंसा कर्टी धन्यवाद ज्ञापन करल रहै।
ओसहे, सहभागीसभ नयाँ कार्यसमितिकिन सफल कार्यकालके शुभकामना व्यक्त करले बाटै।
नवनिर्वाचित अध्यक्ष चन्दले क्लबकिन अउर व्यवस्थित कर्टी स्थानीय खेलाडीनके प्रतिभा पहिचान, क्षमता विकास अउर नियमित खेल गतिविधिकिन प्राथमिकतामे रखिके आगु बह्रैना विश्वास व्यक्त करले बाटै।
