कञ्चनपुरके होलीफेम्ली ईङलिश मिडियम स्कुलम अन्तर विद्यालय स्तरिय क्रिकेट प्रतियोगिता हुइना बा।
शुक्रबार,भीमदत्त नगरपालिका १० जिमुवाके होलीफेम्ली ईङलिश मिडियम स्कुलके आयोजनाम शनिबार(काल)से अन्तर विद्यालय टि–२० क्रिकेट प्रतियोगिता हुइक लाग बा।
प्रतिकुल मौषमके कारण शुक्रबार उद्घाटन हुइना प्रतियोगिताम आब शनिबारसे हुइना आयोजक चौधरीखबरहन जनाइल बाट। प्रतियोगिताके सक्कु तयारी पुरा हुइलक आयोजक बटाइल बाट।
होलीफेम्ली ईङलिश मिडियम स्कुलके संचालक भुपाल सिह विष्ट विद्यालयके खेलकुद मैदानम क्रिकेट प्रतियोगिता आयोजना कर्लक बटैल।
विष्टके अनुसार भीमदत्त नगरपालिका, जिल्ला क्रिकेट संघ सहितके सरोकारवाला निकायके समन्वय, सहयोग, सहकार्यम नगरपालिका मावि स्तरिय क्रिकेट प्रतियोगिता आयोजना कर्गिलक बटैल। भीमदत्त नगरपालिका भित्तरके माध्यामिक तहके विद्यालयविच प्रतिस्पर्धा हुइना बा।
विद्यार्थीहुकनम खेलकुदके विकास, अनुशासन, नेतृत्व विकास, स्वास्थ्य जिपनशैली सकारात्मक मार्ग तर्फ प्रेरित कर्नाके सङ समाजम भाईचारा, सहकार्य एव प्रतिस्पर्धात्मक भावनाके विकास कर्ना प्रतियोगिता आयोजना कर्गिलक बटैल।
आगामी दिनम प्रतियोगिता थप स्तरिय बनैना विष्टके सकल्प बा। होलीफेम्ली ईङलिश मिडियम स्कुलके सहायक म्यानेजर महादेव प्रशाद भट्ट कञ्चनपुर जिल्लाम क्रिकेटके खेलाडी उत्पादनसे खेलकुद बृद्धि विकासके लाग प्रतियोगिता आयोजना कर्लक बटैल। क्रिकेट खेलकुदके बृद्धि विकास कैक खेलाडी उत्पादन कर्ना हमार मुल लक्ष्य हो, ‘उ कल, ‘विद्यालय स्तरसे क्रिकेटके खेलाडीके अन्तरनिहित क्षमता प्रस्फुटन हुइने बटिन।
होलीफेम्ली स्र्पोट व एकेडेमी समेत धिउर क्रिकेटके खेलाडी उत्पादन कैक राष्ट्रिय अन्र्तराष्ट्रिय स्तरसम्म पहिचान बनाउन सफल हुइलक बटैती थप नगर जिल्लाम खेलाडीके बृद्धि विकासके लाग उक्त कार्यक्रम संचालन कर्गिलक बटैल।
प्रतियोगिता लिग नकआवटके आधारम संचालित हुइना बा।प्रतियोगिताम नगरके १८टिमविच प्रतिस्पर्धा करैनव बा। निःशुल्क टिम दर्ताके साथै सक्कु प्रतियोगिता आईसीसी तथा क्यानके नियम अनुरुप खेलैना बा। प्रतियोगिता विजेता टिमहन नगद ५१ हजार, १सय ११, उपविजेता टिमहन नगद ३१ हजार, १सय ११रुपैया सहित ट्रफि, मेडल, प्रमाण पत्र वितरण कर्जिना बा। हरेक प्रतियोगिताम मेन अफ द मेचके साथम ट्रफि प्रदान कर्जिना बा। बेष्ट ब्याटसेन ट्रफि सहित २५सय, बेष्ट बलर ट्रफि सहित २५सय, बेष्ट फिल्डर ट्रफि सहित २५सय, मेनअफ द सिरिज ट्रफि सहित ३ हजार, उदयमान खेलाडी व मेद अफ द मेचहन ट्रफि सहित नगद १५सयके दरसे पुरस्कार प्रदान कर्जिना बा। हरेक खेलाडीके उमेर १९ं बर्षमुनी हुइपर्ना तोवाकल बा।
प्रतिस्पर्धी टिमहुकन चार समुहम विभाजन कैक खेल संचालन कर्जिना बा। होलीफेम्ली ईङलिश मिडियम स्कुलके सहायक प्रिन्सिपल हरिस ठगुन्ना नगरके विद्यालयके विद्यार्थीविच अन्तर प्रतिस्पर्धात्मक भावनाके विकास हुइना बटैल बाट। प्रतियोगिता प्रतिभावना खेलाडीके पहिचानसे सकारात्मक सोच विचार उत्पन्न हुइनव हुइलक समुदाय व विद्यालयविच प्रतिस्पर्धा हुइना बा। सहायक प्रिन्सिपल ठगुन्ना विद्यालयके क्रिकेट एकेडेमीके ९ प्रशिक्षार्थी खेलाडी जिल्लाके क्रिकेट संघके टिमम सहभागि होक प्रदेशस्तरिय प्रतियोगिताम सहभागि हुइलक बटैल। उहाके अनुसार होलीफेम्लीके विद्यार्थी धिउर राष्ट्रिय अन्र्तराष्ट्रिय स्तरम क्रिकेट प्रतियोगिता खेल स्याकल बाट।
कञ्चनपुर क्रिकेट संघके सचिव विशाल सोनार विद्यालयसे हुइना मावि स्तरिय क्रिकेट प्रतियोगितासे थप क्रिकेटके बृद्धि विकासके साथै खेलाडी उत्पादनम टेवा पुग्ना बटैल। भीमदत्त नगरपालिका शिक्षा शाखा प्रमुख हरिदत्त जोशी विद्यालयसे पहिलो पटक मावि स्तरिय प्रतियोगिता संचालन हुइ लग्लक बटै। शिक्षा शाखा प्रमुख जोशी पालिका सहित विद्यालय पहिलो पटक अन्तर मावि स्तरिय प्रतियोगितासे खेलकुदके सँगसँग धिउर क्षेत्रम आयाम थप्ना बटैल। बिहान भीमदत्त नगरके उपमेयर निलम लेखक उद्घाटन कैक तब्बेह प्रतियोगिता संचालन हुइना बा। नगरभरीके विद्यालयके टिमटिम हुइना क्रिकेट प्रतियोगिता अवलोकनके लाग स्थानीय क्रिकेटके पारखीहन सहज सुविधा हुइल बा।
