कञ्चनपुर : दोस्रो उप मेयर कप भलिबल प्रतियोगिताके प्रथम हुइना सल्यान ११

दिनेश चौधरी

    (२ महिना अघि)

पाठक संख्या ६६९

कंचनपुरको बेलौरी नगरपालिका वडा नम्बर ८ के जनज्योति माध्यमिक विद्यालय कलकत्तामा सम्पन्न दोस्रो खुल्ला उप मेयर कप भलिबल प्रतियोगिताके बिजेता सल्यान ११ हात पर्ल बा।

हुइलक फाइनलम धनगढीके मनेहरा स्पोर्ट्स क्लबविरुद्ध सुरुवातम दुई सेट गुमाइल सल्यान–११ वाकर पाछ लगातार तीन सेट आपन पक्षम पर्ती ३–२ को रोमाञ्चक जित हुइलक हो।मनेहरा सुरुवातीम दुई सेट जित्ति उपाधि आपन पक्षम पर्ना संकेत देखिलक रह। तर, खेलके निर्णायक मोडम सल्यान–११ उत्कृष्ट,आक्रामक खेल, उत्कृष्ट ब्लक तथा रक्षात्मक प्रदर्शनहन निरन्तरता देती सल्यान–११ लगातार तीन सेट जित्कके आघ बधल रह।

समापन समारोह रामपुर खेलकुद क्लबके अध्यक्ष रणवीर सिंह थापाके सभापतित्वम सम्पन्न हुइल रह। कार्यक्रमम बेलौरी नगरपालिकाके नगर उपप्रमुख जोगराम चौधरी प्रमुख अतिथि तथा प्रमुख प्रशासकीय अधिकृत खेमराज जोशी विशिष्ट अतिथिका रूपम सहभागी हुइल रलह।

समापन कार्यक्रमम बोल्ती नगर उपप्रमुख चौधरी खेलकुद स्वास्थ्यसँग प्रत्यक्ष जोडलक महत्वपूर्ण क्षेत्र हुइलक बतैती बेलौरीम असिन प्रतियोगितासे खेलाडीहुकनके क्षमता विकाससँग स्थानीयस्तरम खेलकुदके वातावरण निर्माण कर्ना सहयोग पुग्ना बताइल रलह।उहाँले आगामी वर्ष पनि भलिबल प्रतियोगिताहन निरन्तरता दिना प्रतिबद्धता व्यक्त कर्ल रलह। कार्यक्रमके सहजीकरण बेलौरी नगरपालिका वडा नम्बर ९ के कम्प्युटर अपरेटर कृष्ण बुढा यकदम मजासे सञ्चालन कर्ल रलह।