कञ्चनपुरके बेलौरी नगरपालिका वडा नम्बर ८ रामपुर खेलकुद क्लबके आयोजनाम उप-मेयर कप खुल्ला भलिबल प्रतियोगिता हुइना बा।
शुक्रबार, बेलौरी नगरपालिका वडा नम्बर ८ रामपुरमा स्वास्थ्यके लाग खेलकुद राष्ट्रके लाग खेलकुद कना मूल नाराके साथ मङ्सिर ४ गतेसे ७ गतेसम्म क्षेत्र नम्बर १ के प्रथम खुल्ला उप-मेयर कप भलिबल प्रतियोगिता हुइना बा।
बेलौरी नगरपालिका नगर उप-प्रमुख जोगराम चौधरीके काहाई अनुसार खेलकना स्वास्थ्यक लाग ख्यालै पर्ना हुइलक ओहरसे खेल असिन खेलसे समाजम हुइना बिकृती कम होय कना हिसाबसे ओ आझकालिक युवा लर्काहुक्र बहुतसे कुलत भाङ ,गाजा, ब्राउन सुगर, जाडरक्सीम लग्नासे दुर हुहि कना उद्देश्यसे साथ मजा साजम कायम कर सेकही कना हेतुसे यी खेल पहिलो उप- मेयर कप खुल्ला भलिबल प्रतियोगिता धर्लक हो ।
रामपुर खेलकुद क्लबके अध्यक्ष रणवीर सिंह थापाके कहाई अनुसार खेलाडीके संख्या ९ जना हुइपर्ना, खेल ख्यालबेर पोशाक अनिवार्य हुई पर्ना, खेलाडी क्षेत्र नम्बर १ भित्ररके हुइपर्ना, खेलाडी क्षेत्र नम्बर १ से बाहिरके भेटिलसे १० हजार जरिवाना साथै टिम फे बाहिर निकर्ना बा, चोटपटक लग्लसे प्राथमिक उपचार बाहेकके चोटपटक खेलाडी वा टिमसे बेहोर्ना बा, टिम दर्ता शुल्क रु ३हजार ५ सय मात्र रहल बा, टिम संख्याके आधारम टाइसेट निर्माण कर्ना बा।
पुरस्कार राशि
नेपाल सरकारके नियम अनुसार करकर्ट्टी कैक प्रदान कर्ना बा, प्रथम पुरस्कार नगद रु ५० हजार ट्रफी मेडल ओ प्रमाणपत्र प्रदान कर्ना, द्वितीय पुरस्कार नगद रु २५ हजार ट्रफी मेडल ओ प्रमाणपत्र प्रदान कर्ना रहल बा।
खेल खेल्ना प्राङ्गण जनज्योति स्कुलके प्राङ्गणम ठिक बिहानक १० बजेसे सुरु हुइना रामपुर खेलकुद क्लबके अध्यक्ष रणवीर सिंह थापा जानकारी देहल रलह।
