कञ्चनपुरके बेलौरी उद्योग वाणिज्य संघके पाँचौं साधारण सभा शनिबार ओराइल बा। सभाके संघसे अध्यक्षम प्रकाशराज पन्त सर्वसम्मत चयन हुइल बाट।
साधारण सभासे वरिष्ठ उपाध्यक्षम महेन्द्र सिंह बडाल, उद्योग उपाध्यक्षम राजेन्द्रबहादुर चन्द, वाणिज्य उपाध्यक्षम वसन्त पुन मगर, महासचिवम रामेश्वर न्यौपाने, सचिवम रिता चौधरी तथा सदस्यहुक्र कैलाश सिंह बिष्ट, यमबहादुर खत्री, विष्णुमाया अर्याल, बासुदेव भट्ट (सीतल), दिनेश चौधरी(बखरिया) अलोना श्रेष्ठ, तारा सिंह बिष्ट व अशोक चौधरी सर्वसम्मत चयन हुइल बाट।
बेलौरी उद्योग वाणिज्य संघके सभाहलम आयोजित साधारण सभाके अध्यक्षता संघके अध्यक्ष हिरा सिंह बिष्ट कर्ल रलह। कार्यक्रमम उद्योग वाणिज्य संघ सुदूरपश्चिम प्रदेशके अध्यक्ष पुष्पराज कुँवर बर्का पहुना तथा कैलाली उद्योग वाणिज्य संघके अध्यक्ष पुष्कर ओझा खास पहुनाम रलह।ओस्तहक कञ्चनपुर उद्योग वाणिज्य संघके वरिष्ठ उपाध्यक्ष दिपेन्द्र प्रकाश साउँद, बेलौरी नगरपालिका–४ के वडाध्यक्ष अर्जुन ढकाल, आघकअध्यक्षहुक्र टेकबहादुर साउद, आत्मराम दाहाल, धनेशदत्त पन्त व लक्ष्मीनारायण चौधरी लगायत ढिउर राजनीतिक दलके प्रतिनिधि, उद्योगी तथा व्यवसायीहुकनके ढिउर सहभागिता रह।
सभाम संस्थाके कोषाध्यक्ष महेन्द्र सिंह बडाल आर्थिक प्रतिवेदन प्रस्तुत कर्ल रलह। निर्वाचन मण्डलम नारायण सिंह ऐरी, शेरबहादुर बिष्ट व विष्णुप्रसाद तिवारी हुक्र रलह।
