अखिल क्रान्तिकारी कञ्चनपुर जिल्ला प्रशासन कार्यालयहे ज्ञापनपत्र बुझाइल बा।
मंगलबारके दिन अखिल क्रान्तिकारी जिल्ला प्रशासन कार्यालय कञ्चनपुरहे ज्ञापनपत्र बुझाइल हो।
अखिल क्रान्तिकारी कञ्चनपुर प्रशासनहे ५ बुँदे ज्ञापनपत्र बुझाइल बटैल बा। अखिल क्रान्तिकारी कञ्चनपुरक अध्यक्ष दलबहादुर धामी (अविरल) जिल्लामे शिक्षा क्षेत्रसे लेके और-और क्षेत्रमे बेथिति ब्याध्र बढल बर्हाक मारे क्रान्तिकारी प्रशासनक ध्यान खिच्ले बा कले बाटै।
ज्ञापनपत्रक पहिल बुँदामे मापदण्डविपरीत जिल्लाभरि स्कुल बस चल्लिरहक ओरसे पछ्यु दुर्घटना होकर यात्रु ओ लर्काहुक्र जोखिममे पर्र्या हो समाइमे नियमन करके मापदण्डविपरीत चल्ना बस नियन्त्रण करे पर्ना कडा माग ढेग्रे बा।
सार्वजनिक गाडीमे लर्काहुक्रहे सहुलियत छुट लागू करे पर्ना, दस्सा-दियारीक समयमे भाउ बह्याइ (मूल्यवृद्धि) से लेके कालाबजारी नियन्त्रण करे पर्ना, सरकारी गाडीक दुरुपयोग नियन्त्रण करे पर्ना ओ नाका/सीमा क्षेत्रमे चोरी-तस्करी बढल बर्हाक मारे ओकर नियन्त्रणमे जोड देल बा। अखिल क्रान्तिकारी केन्द्रीय निर्वाचन आयोगक उपमहासचिव भुवनसिंह विष्ट जिल्लामे शिक्षा क्षेत्रमे बेथिति होइरहल ओरसे ओइमे प्रशासन तुफान (सद्ये) एक्सनमे उट्रे पर्ना ध्यान खिच्ले बाटै।
ज्ञापनपत्र लेटी कञ्चनपुरके प्रमुख जिल्ला अधिकारी मदन कोइराला अखिल क्रान्तिकारी उठाइल विषयमे प्रशासनक गम्भीर ध्यानाकर्षण ढिल ओरसे नियमित चेकजाँचसे लेके जा-जा सम्बद्ध निकाय बा, उही मार्फत कारबाही आगे बह्र्या बटैले बाटै। अखिल क्रान्तिकारी लर्काहुक्रक भविष्यसँ जोड्रहिल विषय बर्हाक मारे ओइमे गम्भीर होकर प्रशासन आगे बह्रे पर्नामे जोड देले बा।
