अशाेक पाण्डेय / धनगढी, कैलाली —
निशन्तानपनके समस्या भ्वागल दम्पतीहुकन लक्षित कर्ती धनगढीम एक दिने नि:शुल्क स्वास्थ्य शिविर आयोजना हुइना बा।
काठमाडौंस्थित शुभश्री आई.भी.एफ. क्लिनिक व धनगढीके केयरटेकर हस्पिटलके संयुक्त आयोजनाम यह चैत १४ गते (शनिबार) उक्त शिविर सञ्चालन हुइक लाग बा।
शिविरम निशन्तानपन तथा आई.भी.एफ. विशेषज्ञ डा. रोजिना मानन्धर सहित विशेषज्ञ चिकित्सकहुकनके टोली बिरामिहुकन परीक्षण तथा परामर्श दिना जनाइल बाट।
आधुनिक प्रविधिसे उपचारसम्बन्धी जानकारी तथा सम्भावनाबारे प्रत्यक्ष परामर्श सेवा उपलब्ध करैना आयोजकहन उदृत कर्ती अशोक पाण्डेय चौधरीखबरहन जनैल।
पाण्डेयके अनुसार शिविरम सहभागी हुइना सेवाग्राहीहुकन नि:शुल्क ओ.पी.डी. सेवा, विर्य परीक्षण (Semen Analysis) तथा विशेषज्ञ परामर्श प्रदान कर्जिना बा।
ओकर सँग सँग,अल्ट्रासाउन्ड सेवा रु. ५०० म उपलब्ध करैना व अन्य ल्याब परीक्षणम१५ प्रतिशत छुटके व्यवस्था हुइना बा।
शिविर धनगढी उपमहानगरपालिका–३, शहिदगेट आघ रहल साविक स्वस्तिक हस्पिटल (हाल केयरटेकर हस्पिटल) म बिहान ९ बजेसे दिनके ३ बजेसम्म सञ्चालन हुइना बा।
निशन्तानपन तथा स्त्रीरोगसम्बन्धी समस्या हुइलक दम्पतीहुकहन उक्त अवसरके लाभ लेह आयोजक आग्रह कर्ल बाट। थप जानकारी तथा नाम दर्ताके लाग ०९१–५२०२११ र ०९१–५२०५१२ म सम्पर्क कर सेक्जिना बा।
