बुधबार साँझ बेलाैरीमा पूर्व शिक्षक लच्छी चन्दकाे हत्या गरि फरार भएका अभियुक्त पक्राउ परेका छन् ।
ढुङ्गा प्रहारगरी फरार भएका बैतडीको दाेगडा ४ भण्डारी गाउँ बस्ने ३६ वर्षिय महेश भण्डारीलाई पक्राउ गरिएको ईलाका प्रहरी कार्यालय बेलाैरीका प्रहरी निरीक्षक गाैरी प्रसाद जैशीले बताए ।
रेडियो सुदूर सञ्चार संगकाे कुराकानीमा उनले भने - "चन्दकाे हत्या गरि फरार भएका भण्डारीलाई रातारात पक्राउ गरिएको छ ।, करिब पाैने ४ बजेतिर बेलाैरी ६ दुम्लीबाट उनलाई पक्राउ गरिएको हाे ।"
सडक छेउमै खाली ट्राली भित्र लुकीछिपी रहेको अवस्थामा भण्डारी पक्राउ परेका हुन् । रातभर स्थानीय र प्रहरी खाेजी कार्यमा जुटेका थिए भने, अनुसन्धानमा तालिम प्राप्त कुकुरको समेत प्रयाेग गरिएको थियो ।
ढुङ्गा प्रहारबाट सख्त घाइते चन्दकाे बेलाैरीमा उपचार सम्भव नभएपछि धनगढी रिफर गरिएको थियो । ढुङ्गाले मुख र टाउकोमा गहिरो चाेट लागेका कारण चन्दकाे उपचार सफल हुन सकेन् ।
लामाे समय बेलाैरीमै शिक्षण सेवा गरेका मृतक चन्द महाकाली माविका सेवा निवृत्त अंग्रेजी शिक्षक हुन् ।यद्यपि घटना बारे थप अनुसन्धान भइरहेको प्रहरीले जनाएको छ ।
चौधरी खबर
