कञ्चनपुरके भीमदत्त नगरपालिकाम पहिलो पटक अन्तर विद्यालय स्तरिय क्रिकेट प्रतियोगिता सुरु हुइल ब।
भीमदत्त नगरपालिका १० जिमुवाके होलीफेम्ली ईङलिश मिडियम स्कुलके आयोजनाम शनिबारसे अन्तर विद्यालय टि–२० क्रिकेट प्रतियोगिता शुरु हुइलक हो।
होलीफेम्ली ईङलिश मिडियम स्कुल, होलीफेम्ली स्र्पोट एकेडेमीके आयोजना व भीमदत्त नगरपालिकाके सहआयोजनाम पहिलो पटक नगरके माध्यामिक तह विद्यालयके टिमविच क्रिकेट प्रतियोगिता हुइ लग्लक आयोजक चौधरीखबरहन जनाइल बा।
होलीफेम्ली ईङलिश मिडियम स्कुलके संचालक भुपाल सिह विष्टले विद्यालयके खेलकुद मैदानम क्रिकेट प्रतियोगिता आयोजना कर्गिलक बतैल। संचालक विष्टके अनुसार भीमदत्त नगरपालिका, जिल्ला क्रिकेट संघ सहितके सरोकारवाला निकायके समन्वय, सहयोग, सहकार्यम नगरपालिका मावि स्तरिय क्रिकेट प्रतियोगिता आयोजना कर्गिलक व भीमदत्त नगरपालिका भित्तरके माध्यामिक तहके विद्यालयविच प्रतिस्पर्धा हुइना बा।
विद्यार्थीहुक्र खेलकुदके विकास, अनुशासन, नेतृत्व विकास, स्वास्थ्य जिपनशैली सकारात्मक मार्ग तर्फ प्रेरित कर्नाके साथै समाजम भाईचारा, सहकार्य एव प्रतिस्पर्धात्मक भावनाके विकास कर्ना प्रतियोगिता आयोजना कर्गिलक बतैल।आगामी दिनम प्रतियोगिता थप स्तरिय बनैना संचालक विष्टके सकल्प बा।
प्रतियोगिताके उद्घाटन कर्ती भीमदत्त नगरपालिका समाजिक विकास समितिके सयोजक शुशिल भट्ट पालिका सहितके अपनत्व हुइना कैक आयोजना कर्गिलक प्रतियोगिताले क्रिकेट क्षेत्रके विकासम टेवा पुग्ना बतैल।भट्ट विद्यालय स्तरटसे हुइना प्रतियोगितासे कञ्चनपुर क्रिकेटके हब बन्ना दावि कर्ल बाट। प्रमुख अतिथि समेत रहल भट्ट अम्पायरहन ब्याट,बल हस्तान्तरण कर्ल रलह। उद्घाटनके दिन सनसाईज पब्लिक स्कुल व लिटिर स्टारके टिम जिटिए बा।
टस जितेर पहिलो फिल्डिङ्ग राजेके महाकाली मोर्डनहन सनराईज पहिलो ब्याटिङ्ग कैक८विकेटके क्षतिम १५२रनके टार्गेट देहल रह।
जवाफम ब्याटिङ्ग उत्रिएके महाकाली १३२रन केल रन बनैलक रलह। दोस्रो खेलम टस जित्क ब्याटिङ छान्के लिटिर स्टार ९ओभरम ७१रन बनाक ज्ञानोदय पब्लिक स्कुलहन ७२रनके टार्गेट देहल रह। ज्ञानोदय ६.४ओभरम ३५रनम सीमित रह।
पहिलो दिन ५विकेटम म्याच अफदी म्याचम लिटिर स्टारके अपिल नाथ व ५विकेट ज्ञानोदयके विशाल बोहरा छनौट हुइल बा।आईतबार फेन थप खेल सुरु हुइना बा।
होलीफेम्ली ईङलिश मिडियम स्कुलके सहायक म्यानेजर महादेव प्रशाद भट्ट कञ्चनपुर जिल्लाम क्रिकेटके खेलाडी उत्पादनसे खेलकुद बृद्धि विकासके लाग प्रतियोगिता आयोजना कर्गिलक बतैल। ‘क्रिकेट खेलकुदके बृद्धि विकास कैक खेलाडी उत्पादन कर्ना हमार मुल लक्ष्य हो, ‘उ कल, ‘विद्यालय स्तरसे क्रिकेटके खेलाडीके अन्तरनिहित क्षमता प्रस्फुटन हुइना बा।’ होलीफेम्ली स्र्पोट व एकेडेमी समेत धिउर क्रिकेटके खेलाडी उत्पादन कैक राष्ट्रिय अन्र्तराष्ट्रिय स्तरसम्म पहिचान बनाय सफल हुइलक बतैती थप नगर जिल्लाम खेलाडीके बृद्धि विकासके लाग उक्त कार्यक्रम शुरु कैगिल आयोजक जानकारी देहल रलह।
प्रतियोगिता लिग नकआवटके आधारम संचालित हुइना बा। प्रतियोगिताम नगरके १८टिमविच प्रतिस्पर्धा कराजिना बा। निःशुल्क टिम दर्ताके साथै सक्कु प्रतियोगिता आईसीसी तथा क्यानके नियम अनुरुप खेला जिना बा।
प्रतियोगिता विजेता टिमहन नगद ५१ हजार, १सय ११, उपविजेता टिमहन नगद ३१ हजार, १सय ११रुपैया सहित ट्रफि, मेडल, प्रमाण पत्र वितरण कर्जिना बा। हरेक प्रतियोगिताम मेन अफ द मेचके साथम ट्रफि प्रदान कर्जिना बा। बेष्ट ब्याटसेन ट्रफि सहित २५सय, बेष्ट बलर ट्रफि सहित २५सय, बेष्ट फिल्डर ट्रफि सहित २५सय, मेनअफ द सिरिज ट्रफि सहित ३ हजार, उदयमान खेलाडी व मेद अफ द मेचहन ट्रफि सहित नगद १५सयके दरसे पुरस्कार प्रदान कर्जिना बा। हरेक खेलाडीके उमेर १९ं बर्षमुनी हुइपर्ना त्वाकल व प्रतिस्पर्धी टिमहन चार समुहम विभाजन कैक खेल शुरु कराजिना बा।
होलीफेम्ली ईङलिश मिडियम स्कुलके सहायक प्रिन्सिपल हरिस ठगुन्ना नगरके विद्यालयके विद्यार्थीविच अन्तर प्रतिस्पर्धात्मक भावनाके विकास हुइना बतैल। प्रतियोगिताल प्रतिभावना खेलाडीके पहिचानसे सकारात्मक सोच विचार उत्पन्न हुइना हुइलक समुदाय व विद्यालयविच प्रतिस्पर्धा हुउना बा। सहायक प्रिन्सिपल ठगुन्ना विद्यालयके क्रिकेट एकेडेमीका ९ प्रशिक्षार्थी खेलाडी जिल्लाके क्रिकेट संघके टिमम सहभागि होक प्रदेशस्तरिय प्रतियोगिताम सहभागि हुइलक बतैल। उहाके अनुसार होलीफेम्लीके विद्यार्थी धिउर राष्ट्रिय अन्र्तराष्ट्रिय स्तरम क्रिकेट प्रतियोगिता खेल्ल बाट। कञ्चनपुर क्रिकेट संघके अध्यक्ष बिरेन्द्र बहादुर चन्द भीमदत्तके होलीफेम्ली विद्यालय प्रदेशम पहिलो पटक भारी आयोजना कर लग्लक बतैल। उ विद्यालयसे हुइना मावि स्तरिय क्रिकेट प्रतियोगितासे थप क्रिकेटके बृद्धि विकासके साथै खेलाडी उत्पादनम टेवा पुग्ना बटैल। लिटिल स्टारके प्रिन्सिपल शमरजंग बहादुर चन्द निजी विद्यालयसे आपन ग्राउनम अत्राभारी प्रतियोगिताम सरानिय काम हुइलक प्रसंसा कर्ल बाट। भीमदत्त नगरपालिका शिक्षा शाखा प्रमुख हरिदत्त जोशी विद्यालयसे पहिलो पटक मावि स्तरिय प्रतियोगिता शुरुहुइ लागल बतैल । शिक्षा शाखा प्रमुख जोशी पालिका सहित विद्यालय पहिलो पटक अन्तर मावि स्तरिय प्रतियोगिता खेलकुदके साथै बहुत क्षेत्रम आयाम थप्ना बतैल । नगरभरीके विद्यालयके टिमटिम हुइना क्रिकेट प्रतियोगिता हुइलसे खेलाडीके अवसरसे दर्शकहुक्र अवलोकनके लाग स्थानीय क्रिकेटके पारखीहन सुविधा हुइल बा । मावि स्तरिय क्रिकेट प्रतियोगिता २४जेठसम्म शुरु हुइना बा। हरेक दिन बिहान्के सन्झ्याक प्रतिस्पर्धा कराजिना बा।
