यह मिति२०८२साल माघ ९गतेसे१० सम पानीअइना सम्भावना हुइलकओहरसे,आपन मेहेनतसे लगाइल खेत्वमका बालीहनक सम्भावित क्षतिसे जोगाइक लाग सक्कु किसान दाजुभाइ तथा दिदीबहिनीहुकनम सचेत रहहो कैक बेलौरी विपद शाखाके प्रमुख अशोक पाण्डेय जानकारी कर्ल बाट।
पानीसे बाली जोगाइक लाग निम्न अनुसारके व्यवस्थापन कर्ना अनुरोध कर्नाके सँग पाकल लाहीहन कत्ना यदि तुहनके लाही पाक्गिल बा कलसे झरी सुरु हुइना से आघ काट्क सुरक्षित स्थानम भण्डारण करहो कना आग्रह कर्ल बाट।
थ्रेसिङ कर्ना: कात्क स्याकल व सुखल लाही बा कलसे तुरुन्तै थ्रेसिङ कैक दाना सुरक्षित धर्ना,पालके व्यवस्था:यदि लाही काटल तर उथिना बाँकी बा कलसे,पानीसे जोगाइक लाग त्रिपाल वा प्लाष्टिकसे मजासे छोप्क धर्ना,निकासके व्यवस्था: खेत्वम पानी जम्ना अवस्था बा कलसे, निकासके लाग समयम कुल्वा वा निकासके व्यवस्था कर्नव ताकि लाहीके बोट कुह निपाय,विर्वा प्रयोग निकर्ना: झरीअइनासे आघ व झरीके समयम कौनो फेन किसिमके बिर्वा वा मल प्रयोग निकर्ना, प्राकृतिक प्रकोपसे आपन बाली जोगाइक लाग समयमै सतर्कता अपनाइक लाग बेलौरी नगरपालिका विपद शाखाके प्रमुख अशोक पाण्डेय चौधरीखबरहन जानकारी देहल रलह।
