कञ्चनपुरके बेलौरी नगरपालिका नगर कार्यपालिकाके कार्यालय उद्यम विकास शाखा बेलौरी कञ्चनपुरके आयोजनामा १५ दिने पावर टिलर व मिनी टिलर बनैना तालिम ओराइल बा।
मङ्गलबार, बेलौरी नगरपालिका नगर कार्यपालिकाके कार्यालय उद्यम विकास शाखा बेलौरी कञ्चनपुरके आयोजनाम "कृषकहुकनके सीप विकासम हमार प्रतिबद्धता" कना मुल नाराके साथ १५ दिने पावर टिलर व मिनी टिलर बनैना तालिम ओराइल रह।
कार्यक्रममा नगरप्रमुख पोतिलाल चौधरी के सभापतित्वम बर्का पहुना बेलौरी नगरपालिकाके नगर उप-प्रमुख जोगराम चौधरी, खास पहुना बेलौरी नगरपालिकाके प्रमुख प्रशासकीय अधिकृत खेम राज जोशी , किसन गम्वा अस्तकह प्रशिक्षक खडक चौधरी लगायत स्थानीय पत्रकारहुकनके फेन उपस्थिति रह।
कार्यक्रमम नगर उप-प्रमुख जोगराम चौधरी कल" हमार किसानहुकनक लाग खेती करक लाग छुती पावर टिलर या मिनी टिलर बिग्रलसे अप्पने बनाय स्याकत कना उद्देश्यले बेलौरी नगरपालिका उद्यम विकास शाखासे आयोजना कर्लक हो। जौन परीक्षार्थीहुक्र तालिम लेल आपन जिवनयापन कर स्याकत ओर अति गरिब बर्गके किसानहुकनके धिउर रुप्या नि लेक सुपत मुल्यम बना देहो कना बाट धर्ल रलह। सीप सिक्क चामचिम बैठल नि रक आपन व्यवहारम लागु करहो कति आगामी दिनम फेन अस्तह कार्यक्रम लन्ती रहब कना प्रतिबद्धता जाहेर कर्ल रलह।
बेलौरी नगरपालिकाके नगर प्रमुख पोतीलाल चौधरीके अनुसार सीप कना यक थो रोजगार हो हम्र सीप सिखल रबी त कौनो फेन ठाउँम फेन जाक आपन जीवनयापन चलाय स्याकप आझकाल गाउँघरम छुटी छुटी पावर टिलर धिउर मात्राम बा धिउर हुइतीकेल बिग्रना हुइया हुइ बनाइक लाग मिस्त्री नि मिल्ना हुइलक ओहरसे आपन ठाउँके कृषकहुकन थप जनशक्ति उत्पादन कर्ना उद्देश्यले बेलौरी नगरपालिका आयोजना कर्लक हो। अत्रकेल नि होक यी सीप सिक्क कालिक दिन प्रशिक्षकके रूपम फेन काम कर सेक्बो अदि आपन बनाय जन्लक सीपहन कृषकहुकनके घरम जाक बनाय सेक्बो असिन आपन सीप सिख्लक प्रमाणपत्र लेक केल नि हुइ बनाइ परल नि जन्लक ठाउम फोन मार्फत भिडियो कल कैक फेन पुछ सेक्जाइत तब्ब ओहरसे जानल सीपके सदुपयोग कर्ना बहुत जरुरी बा,अदि सीपहन सदुपयोग नि कर्बो त हमार आयोजना कर्लक कोइ फाइदा नि रही। तब्ब ओहसे आपन जानल सीप औरजहन फेन सिखिना, जत्रा सीप और जहन सिखैबी ओत्रह ज्ञान हुइ कति सिखुइया परीक्षार्थीहुकन औजार सामग्री फेन हस्तान्तरण कर्ती शुभकामना देहल रलह।
परीक्षार्थीहुक्र बेलौरी नगरपालिका वडा नम्बर ५ से राम विलास चौधरी, वडा नम्बर ७ से गोपी चौधरी , वडा न ५ से राधे श्याम चौधरी, वडा न ९ से तिलक बहादुर चौधरी, वडा न ७ से अनिकेत राना, वडा न १ से रवि चौधरी , वडा न ५ से रतुलाल चौधरी, वडा न ८ दिनेश चौधरी , वडा न ९ कमल चौधरी , वडा न ९ सनम चौधरी अस्तहक वडान ५ से रामेश्वर चौधरी जम्मा १२ जहनके सहभागीता रह।
कार्यक्रमके सञ्चालन किसान गम्वा एकदम मजासे कर्ल रलह।
