बेलाैरी,कञ्चनपुर -
छिमेकी मित्रराष्ट्र भारत उत्तरप्रदेश खजुरिया बजारका व्यवसायीहरुले बेलौरी–खजुरिया मूल भन्सार नाका विस्तारको माग अघि सार्दै गृहमन्त्रीलाई अभिनन्दन सहितको ज्ञापन पत्र बुझाएका छन् ।
मंगलबार बेलौरी पुगेका गृहमन्त्री रमेश लेखकलाई भारतको उत्तरप्रदेशमा रहेको उत्तर प्रदेश नगर उद्योग व्यापार मण्डल (पञ्चीकृत लखनउ), भानपुरी खजुरिया(खिरी) का व्यवसायीहरुले गृहमन्त्री लेखकलाई ज्ञापन पत्र बुझाएका हुन् ।
नगर व्यापार मण्डल खजुरियाका अध्यक्ष ऋषिकेश सिंह, कोषाध्यक्ष विनय गुप्ता र महामन्त्री प्रभु नाथद्वारा हस्ताक्षरित ज्ञापन पत्रमा नेपाल भारतको कारोबार बृद्धिका लागि यथाशिघ्र बेलौरी–खजुरिया भन्सार नाका गराउन नेपाल सरकारका तर्फबाट गृहमन्त्रीले पहल गर्नुपर्नेमा जोडदिएका छन् ।
उनीहरूले दुवै देश बिच बेलौरी र खजुरियामा मूलभन्सार कार्यालय स्थापना भए कारोबार बृद्धिका साथै सहज हुने समेत बताएका छन् । नेपाल तर्फ बेलाैरी उद्योग वाणिज्य संघका व्यवसायी र स्थानीयले पनि पटक-पटक बेलौरी नाका विस्तारको माग गर्दै आएका छन् ।
बेलाैरी नगरपालिका मेयर कक्षमा भारतीय व्यवसायीले बुझाएको ज्ञापन पत्र बुझ्दै गृहमन्त्री लेखकले नेपाल भारत(बेलाैरी खजुरिया ) नाका विस्तारका लागि पहल गर्ने विश्वास व्यक्त गरे ।, उनले यस विषयमा तत्काल आवश्यक कदम चाल्ने बताउदै भारतीय नगर व्यापार मण्डल खजुरियाकाे स्वागत तथा अभिनन्दन प्रति आभार प्रकट गरेकाे थिए ।
चौधरी खबर
