कञ्चनपुरके बेलौरी नगरपालिका वडा नम्बर ९ के आयोजनाम महिला स्वास्थ्य स्वयंसेविका हुकन साइकल सम्मान स्वरूप हस्तान्तरण हुइल बा।
आइतबार,बेलौरी नगरपालिका वडा नम्बर ९ के आयोजनाम महिला स्वास्थ्य स्वयंसेविका हुकन सम्मान स्वरूप साइकल हस्तान्तरण कर्लक हो।
कार्यक्रमम बेलौरी नगरपालिका वडा नम्बर ९ के वडा अध्यक्ष किसन सिंह रानाके सभापतित्वम बर्का पहुना बेलौरी नगरपालिका नगर उप-प्रमुख जोगराम चौधरी, पाहुनाहुक्र वडा सदस्य भुपतिन्द्र भट्ट, वडा सदस्य बसन्ती नेपाली, वडा सचिव पार्वती बिष्ट, कम्प्युटर अपरेटर जगदीश चौधरी लगायत स्वयं सेविकाहुकनके सहभागीता रह।
वडा सदस्य बसन्ती नेपाली स्वागत मन्तव्य देती कल" महिला स्वास्थ्य स्वयंसेविकाहुक्र अहोरात्र खट्क जनताके सेवाम लागल रथ हुखिन थप काम कर्ना ऊर्जा जोस जाँगर अहिन कैक छुती हुइलसे फेन सम्मान स्वरुप साइलक लेह आदेलक ओहरसे विशेष धन्यवाद देहल रलह।
बर्का पहुना जोगराम चौधरीके अनुसार" बेलौरी नगरपालिका स्वीकृत बजेट अनुसार बेलौरी नगरपालिका वडा नम्बर ९ महिला स्वास्थ्य स्वयंसेविकाहुकन मनोबल बढाइक लाग छुती हुइलसे फेन सम्मान स्वरुप साइकल देना कैगिल बा, अत्रकेल नि होक स्वयंसेविकाहुकनके स्वास्थ्य म केल नाही और काम्म फेन अहम भुमिका खेल्ल रथ आगामी दिनम फेन स्वास्थ्य स्वयं सेविका हुकनके लाग होसला प्रदान करक लाग बेलौरी नगरपालिका सद्दभर हातोमालो कर्ती सेक्ना जतीके सहयोग कर्बी कति थप आगामी दिनम मजासे काम कर्ती जैहो कति शुभकामना फेन देहल रलह।
कार्यक्रमके सभापति रानाके अनुसार" महिला स्वास्थ्य स्वयंसेविकाहुकनके अहोरात्र हुकनके खटल देख्क यी छुतीमुती सम्मान स्वरुप साइकल फेन कम हो तब्ब फेन कुछ अइना जैना सहज हुहिन व आत्म मनोबलके फेन बढहिन कना उद्देश्यके साथ हम्र वडाम ढिउरसे ढिउर कार्यक्रम सक्कु जनताहुकन समान रुपम समेत्क लैजिना लक्ष्यके साथ आघ बढल बाटी।
बेलौरी नगरपालिका वडा नम्बर ९ के वडा सचिव पार्वती बिष्टके अनुसार वडा नम्बर ९ म रहल १४ थो महिला स्वास्थ्य स्वयंसेविकाहुकन प्रोत्साहन स्वरूप साइकल हस्तान्तरण कर्लक चौधरीखबरहन जानकारी देहल रलह।
कार्यक्रमके सञ्चालन वडा नम्बर ९ के कम्प्युटर अपरेटर जगदीश चौधरी एकदम मजासे कर्ल रलह।
