पिसविन नेपालद्वारा बेलौरी नगरपालिका वडा नम्बर ५ म रहल जननमुना माध्यमिक विद्यालय वडा नम्बर ४ म रहल शान्ति माध्यमिक विद्यालयके किशोर किशोरी हुकन शिक्षकहुक्र, वडा नम्बर ५ के वडा अध्यक्ष लालबहादुर चौधरी, वडा नम्बर ४ के वडा अध्यक्ष कार्यवाहक रुद्रप्रसाद अधिकारी, वडा नम्बर ८ म रहल जनज्योति माध्यमिक विद्यालय किशोर किशोरी मैत्री सूचना केन्द्रके अवलोकन तथा भ्रमण कर्ल रलह।
जनज्योति माध्यमिक विद्यालयम रहल किशोर किशोरी मैत्री सूचना केन्द्रम अवलोकन तथा भ्रमण कर्लकम वडा नम्बर ८ के वडा अध्यक्ष बिषराम राना स्वागत कर्ल रलह, साथै किशोर किशोरी मैत्री सूचना केन्द्रके बारे सहभागीहुकन पिसविन नेपालके पालिका अधिकृत वसुन्धरा भट्ट जानकारी कर्ल रलह।
सँगसँग जनज्योति माध्यमिक विद्यालयके शिक्षक रामकृष्ण चौधरी, सीता पुजारा व सूचना केन्द्रके व्यवस्थापन समितिके सह संयोजक बिपना उपाध्याय सहित अन्य सदस्यहुकनके फेन उपस्थिति रह।
सूचना केन्द्रम आक प्रत्यक्ष रूपम अवलोकन कैक याकर स्थापना कर्नाके उद्देश्यके बारेम जानकारी व अवलोकन भ्रमण कर्लम युएनएफपिए व पिसविन संस्थाहन सहभागी हुक्र धन्यवाद व्यक्त कर्ल रलह।
सँगसँग हम्र फेन विद्यालयम आपन किशोर किशोरी मैत्री सूचना केन्द्र स्थापना करक लाग आवश्यक पहल कर्ना बाट वडा नम्बर ५ के वडाध्यक्ष लालबहादुर चौधरी व वडा नम्बर ४ के वडा अध्यक्ष कार्यवाहक रुद्रप्रसाद अधिकारी जानकारी कराइल रलह।
