कञ्चनपुरके बेलौरी नगरपालिका कमजोर नतिजा लन्ना, न्यून विद्यार्थी हुइलक सामुदायिक विद्यालय समायोजन(मर्ज)से डाउनसाईज(घटुला) कर्ल बा।
सीमावर्ती बेलौरी नगरपालिका चालु शैक्षिक सत्र ०८३म चार विद्यालय समायोजन चार विद्यालय डाउनसाईज(घटुवा) कर्लक हो।
बेलौरी नगरपालिका(स्थानीय सरकार) कमजोर नतिजा लन्ना न्यून विद्यार्थी हुइल विद्यालयके उप्पर एक्सन कर्ल बा। बेलौरीके शिक्षा अधिकृत अमित प्रशाद भट्ट विद्यालय समायोजन, दरबन्दी मिलान तथा व्यवस्थापन कार्यविधी अनुरुप ०८३के दफा ९(क) अनुरुप २८असार ०८३म हुइलक कार्यपालिका बैठकसे चार÷चार विद्यालय समायोजन व डाउन सायज कर्लक बतैल। उहाके अनुसार जनप्रिय आवि दिनापुरहन लक्ष्मी मावि जबदीया,
विपी स्मृति घारघरुवाहन जनसेवा आवि टेडुवा, गौरीशंकर आवि मोतिपुरहन सरस्वती मावि बुटाबारी, अग्रासन आवि मोतिपुरहन शान्ति मावि शान्तिपुरम समायोजन कर्गिल बा।
१–५ कक्षा रहलक विद्यालय शक्ति आवि कानपुर, शुक्लाफाँटा आवि अण्डैडा, कृष्ण प्रशाद आवि उदपुर, सरस्वती आवि बैशाखीलाई १–३ कक्षासम केल कायम कर्ल बा।
बेलौरी नगरपालिका प्रमुख पोतिलाल चौधरी सामुदायिक विद्यालयम शैक्षिक गुणस्तर बृद्धिके साथै सुधारक लाग समायोजनसे डाउनसायज कर्लक बतैल। मेयर चौधरी नगरके सक्कु सामुदायिक विद्यालय अब्बल बनैना उदेश्यके साथ पालिका आघ बढल चौधरीखबरहन बतैल।
सामुदायिक विद्यालय सुधार कैक आगामी शैक्षिकसत्रसे अब्बल नतिजा लान पर्नाम जोडदेती सक्कु नगरके सामुदायिक विद्यालय शैक्षिक बृद्धि विकासके कार्यक्रम संचालन कर्ना आब्हान कर्ल बाट।
