दिनेश चौधरी
२३ २०८२ शुक्रबार (४ महिना अघि)
पाठक संख्या ८२१
पाठेघरके मुहक क्यान्सर (सर्भाइकल क्यान्सर) रोकथामके लाग कञ्चनपुरम यही माघ २७ गतेसे फागुन १ गतेसम्म एचपीभी खोप अभियान सञ्चालन हुइना बा।
स्वास्थ्य कार्यालय कञ्चनपुर जिल्लाभर पाँच हजार ५०० छात्रा तथा किशोरीहुकन खोप लगइना लक्ष्य लेहल बा।
यह सन्दर्भम बिहीबार लालझाडी गाउँपालिकाके जनस्वास्थ्य शाखा पालिका स्तरीय खोप समन्वय समिति, खोप केन्द्र लक्षित विद्यालयके प्रतिनिधि व अन्य सरोकारवालाहुकनसे अन्तरक्रियात्मक योजना तर्जुमा गोष्ठी आयोजना कर्ल रह।
जनस्वास्थ्य शाखा लालझाडीके संयोजक खगेन्द्र चौधरीके अनुसार यी वर्षके अभियानम कक्षा ६ म अध्ययनरत छात्रा व विद्यालय बाहिर रहल १० वर्ष उमेरके किशोरीहुकन लक्षित कैक खोप लगइना बा।
साथै गत वर्षके अभियानम खोप लगाय छुटल कक्षा ७ से १० सम्म अध्ययनरत छात्रा व विद्यालय बाहेर रहल ११ से १४ वर्ष उमेर समूहके किशोरीहुकन फेन खोप लगइना तयारी कर्ल बाट।
लालझाडी गाउँपालिकाके जनस्वास्थ्य अधिकृत विकास डगौराके अनुसार पालिका भित्तर रहल २४ थि खोप केन्द्रमार्फत १९७ जना छात्राहकन एचपीभी खोप प्रदान कर्ना बा। अभियानहन प्रभावकारी बनाइक लागआवश्यक सहजीकरणके लाग गाउँपालिका अध्यक्ष निर्मल राना सम्बन्धित सक्कु सरोकारवालाहुकन सक्रिय भूमिका निर्वाह कर्ना आग्रह कर्ल रलह।
विश्व स्वास्थ्य सङ्गठनके तथ्याङ्कअनुसार पाठेघरके मुहक क्यान्सर महिलाम देखिना क्यान्सरमध्ये उच्च जोखिमयुक्त मान्जाइत । नेपालम फेन महिलाम हुइना क्यान्सरमध्ये यी पहिलो स्थानम रहल व याकर मुख्य कारण ‘ह्युमन प्यापिलोम भाइरस’ (एचपीभी) रहल विभिन्न अध्ययनसे देखिल बाट।
स्वास्थ्य अधिकारीहुकनके अनुसार यौन सम्पर्क हुइनासे आघ किशोरी अवस्थाम एचपीभी खोप लगैना क्यान्सर रोकथामके लाग सबसे भारी प्रभावकारी उपाय हो। सुरुवातके चरणम खासै लक्षण निदेखैना यी रोगसे बच्न खोपके साथै ३० वर्ष पूरा हुइल महिला नियमित रूपम पाठेघरके मुहक जाँच (स्क्रिनिङ) करपर्ना चिकित्सकहुकनके सुझाव बा। सरकार यी रोगके भार कम कर्ना राष्ट्रिय खोप कार्यक्रममार्फत देशभरके किशोरीहुकन लक्षित कैक नियमित रूपम खोप अभियान सञ्चालन कर्ती आइल बा।
