कञ्चनपुरके बेलौरीम रहल महाकाली बहुमुखी क्याम्पसके आयोजनाम व विश्वविद्यालय अनुदान आयोग सानोठिमी,भक्तपुरके सहयोगम सरसफाइ कार्यक्रम भव्यरुपम ओराइल बा।
शुक्रवार , बेलौरीम रहल महाकाली बहुमुखी क्याम्पसके आयोजनाम व विश्वविद्यालय अनुदान आयोग सानोठिमी,भक्तपुरके सहयोगम "स्वच्छ्ता अपनाइ स्वस्थ्य जीवन जियी" कना मुल नाराके साथ सरसफाइ कार्यक्रम भव्यरुपम ओराइल रह।
सरसफाइ अभियानम महाकाली बहुमुखी क्याम्पसके अध्यक्ष हरेन्द्र सिंह विष्टके अनुसार" हम्र स्वास्थ्य रहक लाग सरसफाइम ध्यान देना जरुरी बा, काजेकी समाजम यी अभियानसे पक्का फेन सकरात्मक संदेश हुइ कना उद्देश्यके साथ सरसफाइ कर्ती ठाउँ ठाउँम मन्दिर, विद्यालयम,कलकत्ता बजार, बेलौरी बजार थाउम सरसफाइ कर्ती व सफाइसे समाजम फैल्ना रोग अलि कम हुइ, हमार समाजम रहल विकृति हटाइक लाग यी यक थो मजा सन्देश पुगहिन त पक्का फेन समाज परिवर्तन हुइ कना आपन कहाई धर्ल रलह।
महाकाली बहुमुखी क्याम्पसके स्वतन्त्र विद्यार्थी युनियनके अध्यक्ष दीपक चौधरीके अनुसार हमार जीवन जियक लाग स्वच्छ वातावरण हुइना यकदम जरुरी बा,तब्ब ओहरसे गाउँ समाजम सफा सुघ्घर बनाइ परथ कना जनचेतनामुलक अभियानम लागल बती। हमार क्याम्पसके व्यवस्थापन समितके अध्यक्ष हरेन्द्र विष्ट,लगायत करिब ३५ जहनके सहभागीताम कलकत्ता बजारम सरसफाइ कर्ल रलही।
