कञ्चनपुरके बेलौरी नगरपालिका वडा नम्बर १० के आयोजनाम तीन महिने निःशुल्क बेशिक कम्प्युटर कक्षा सुरु हुइल बा।
शुक्रबार,बेलौरी नगरपालिका वडा नम्बर १० के आयोजनाम तीन महिना निःशुल्क बेशिक कम्प्युटर कक्षा सुरु हुइलक हो।
कार्यक्रमम बेलौरी नगरपालिका वडा नम्बर १० के वडाध्यक्ष सोमलाल चौधरीके सभापतित्वम बर्का पहुना बेलौरी नगरपालिकाके नगर प्रमुख पोतीलाल चौधरी,खास पहुना पिसविन संस्थाके संयोजक वसुन्धरा भट्ट, वडा सदस्य मिना बिक लगायतके उपस्थिति रह।
बर्का पहुना नगर प्रमुख पोतीलाल चौधरी कल" आझकाल कम्प्युटरके युग बा हरेक ठाउँ काम कम्प्युटरके जवाना बा तब्ब ओहरसे यी तालिमसे पक्का फेन आपन जीवन व व्यवहारम लागू कैक देखिलसे केल तालिम देलक अर्थ हो। तब्ब मार आपन भविष्य बनाइक लाग कौन फेन काम समयम कर्लसे पछ्ताई पर्ना समस्या नै रहि,अत्रकेल नि होक यी सीप सिक्क आत्मनिर्भर हुइक लाग, दुःख, पीडा,कष्टसे बचक लाग ध्यान देक तालिम लेना जरुरी बा,अस्तह अस्तह बहुत किसिमके जातजातिनहुकहन समेत्क लैजिना बेलौरी नगरपालिका सद्दभर काधम काध मिलाक कर सेक्ना सहयोग कर्बी कना प्रतिबद्ध जाहेर कर्ल रलह।
वडा न१० के वडा अध्यक्ष सोमलाल चौधरीके अनुसार" समाजम देखापरल अति गरिब,अति विपन्न परिवारहुकनके बालबच्चाहुक्र सेवासे बन्चित हुइलक ओहरसे असिन कार्यक्रम धर्लक हो। यी वेशिक कम्प्युटर कक्षाके प्रशिक्षक सन्त राम राना बाट कलसे सहभागी संख्या ३५ जन बाट।कलसे यदि सहभागीहुक्र मजासे सिख्खजही कलसे आगामी दिनम डिप्लोमा कोर्ष कम्प्युटर कक्षा सञ्चालन कर्बी कना प्रतिबद्धता जाहेर कर्ल रलह।
बेलौरी नगरपालिका वडा नम्बर १० के वडा सचिव रेशम चौधरी कल बेलौरी नगरपालिका वडा न ८ म रहल कलकत्ता बजारम एन सि.सि. एस कम्प्युटर्सम कक्षा सञ्चालन हुइलक चौधरीखबरहन जानकारी कर्ती एकदम मजासे कार्यक्रम सञ्चालन कर्ल रलह।
