कञ्चनपुरके बेलौरी नगरपालिका वडा नम्बर ८ कालिका आधारभूत विद्यालय आमबगिया व वडा नम्बर १० के सिद्धेश्वरी माध्यमिक विद्यालय शिवनगरम किशोरकिशोरीहुकनके लाग विद्यालयम रूपान्तरण सत्र सुरु हुइल बा।
सोमबार, सशक्त महिला समृद्ध नेपाल कार्यक्रम अन्तर्गत पिसविन नेपालद्वारा रूपान्तरण सत्र सुरु हुइलक विद्यालयबाहेक और विद्यालयम वडा नम्बर ८ व १० के निरन्तरता देक सञ्चालन हुइल बा।
किशोरकिशोरीहुकनके समग्र विकासके साथै हुकनके ज्ञान, सीप, क्षमता अभिवृद्धिम सहयोग कर्ना बाट वडा नम्बर ८ के वडाध्यक्ष विषराम राना बटाइल रलह।
सँगसँग हानिकार मूल्य मान्यता परिवर्तनकैको लैङ्गिक मैत्री घरपरिवार विद्यालयके समाजके निर्माण कर्नाम रूपान्तरण सत्र सहयोग कर्ना बाट वडा नम्बर १० के वडाध्यक्ष सोमलाल चौधरी कर्ल रलह।उक्त दुनु विद्यालयमा रूपान्तरण सत्र सुरु प्राविधिक सहयोग UNFPA व पिसविन नेपाल कर्ल बा।
बाल अधिकार व कर्तव्य चाहना व आवश्यकता किशोरावस्था बालविवाह यौन तथा प्रजनन स्वास्थ्य लैङ्गिक हिंसा, राम्रो छुवाइ , नराम्रो छुवाइ, राम्रो बानी, प्राथमिक उपचार, रेफरल निकाय (१५ थो खाण्ड)आदिके बारेम रुपान्तरण सत्रम छलफल हुइना बाट चौधरीखबरहन पिसविन नेपालम कार्यरत बसुन्धरा प्रसाद भट्ट बटाइल रलह।
