कञ्चनपुरके बेलौरीम निड्स नेपालके आयोजनाम व कुण्डा सव डिभिजन वन कार्यालय कञ्चनपुरके सहकार्यम विश्व वातावरण दिवस मनाइल बा।
शुक्रबार, निड्स नेपालके आयोजनाम व कुण्डा सव डिभिजन वन कार्यालय कञ्चनपुरके सहकार्यम विश्व वातावरण दिवस बेलौरी नगरपालिका वडा नम्बर ७ व ५ म पर्ना श्री अमर स्मृति सामुदायिक वन समितिके हलम मनागिल रह।
कार्यक्रम श्री अमर स्मृति सामुदायिक वन समितिके अध्यक्ष खडक चौधरीके सभापतित्वम बर्का पहुना कुण्डा सव डिभिजन वन कार्यालयके प्रमुख दिनेश कुमार यादव खास पहुना बेलौरी इलाका प्रहरी कार्यालयके प्रहरी निरीक्षक कमल प्रसाद चौधरी, निड्स नेपालके प्रमुख प्रेम बहादुर लोहार पहुनाहुक्र सामुदायिक वन समितिके अध्यक्षहुक्र , सदस्यहुक्र, गाउँके भलमन्साहुक्र, समाजसेवी बुद्धिजीवी कुण्डा सब वन डिभिजन कार्यालयके प्रतिनिधिहुक्र लगायत स्थानीय पत्रकारहुकनके फेन सहभागी हुइल रलह।
कार्यक्रम सहभागीहुकन कुण्डा सब डिभिजन वन कार्यालके प्रमुख दिनेश कुमार यादव विश्व वातावरण दिवसके अवसरम स्वास्थ्य रहक लाग वन जङ्गलहन जोगैना अति नै आवश्यक बा, हम्र केवल बोल्क केल नि होक आपन ब्यवहारम फेन उतर्ना जरुरी बा। अत्रकेल नि होक आपन घरके आसपास बोटबिरुवा लगाय परथ कना प्रशिक्षण देहल रलह।
कार्यक्रमके सञ्चालन कर्ती बेलौरी निड्स नेपालके प्रमुख प्रम बिकके अनुसार विश्व वातावरण दिवसके अवसर पार्क सामुदायिक बनके पदाधिकारीहुकन, भलमन्साहुकन सहभागी कैक वातावरण सम्बन्धि ज्ञानमूलक प्रशिक्षण देहाइल रलह। हम्र सक्कुजन यक आपनम हातेमालो कर्क संरक्षण कर्ना हमार दायित्व हो। बन रहि तो हम्र रहब हम्र नि रबि तो बन नि रही अस्तहक यी बन सम्बन्धि परीक्षार्थीहुक्र सिख्ना अवसर पैलक ओहरसे आयोजना कर्ना नेड्स नेपालहन बहुत बहुत धन्यबाद देहल रलह। यी कार्यक्रके सञ्चालन प्रेमबहादुर लोहार एकदम मजासे कर्ल रलह।
