कञ्चनपुरके बेलौरी नगरपालिकाम सशक्त महिला समृद्ध नेपाल कार्यक्रम अन्तर्गत परिवार संवाद कार्यक्रम अन्तर्गत सुरु हुइती रहल परिवार संवाद कार्यक्रमसे परिवारके समुदायम सकारात्मक प्रभाव पर लागल बा।यी कार्यक्रमसे बेलौरी नगरपालिका युएनएफपिए व पिसविन नेपालके सहकार्यम बेलौरी नगरपालिकाके वडा नम्बर ४,५,६,७,८ म सुरु हुइती आइल बा।
यी कार्यक्रमसे परिवारम सुमधुर सम्बन्ध स्थापना कर्ना शान्त वातावरण निर्वाह, लैङ्गिक हिंसा न्यूनीकरण तथा आपसी समझदारी विकास कर्ना व परिवारम सम्मानित वातावरण बनैना कार्यक्रमके उद्देश्य हुइलक बाट पिसविन नेपालके पालिका अधिकृत वसुन्धरा प्रसाद भट्ट चौधरीखबरहन जानकारी देहल रलह।
लैङ्गिक तथा
सामाजिक मूल्यमान्यता व शक्ति विश्लेषण लैङ्गिक विभेदम आधारित हिंसा प्रभावकारी सञ्चार, सीप, योजना, निर्माण लैङ्गिक हिंसा रोकथामके न्यूनीकरणम परिवारके सदस्यहुकनके भूमिका व रेफरल निकायके बारेम चार दिन सम परिवार संवाद तथा छलफल हुइल रह।
परिवार संवाद कार्यक्रमके सभाध्यक्ष पोतिलाल चौधरीके सभापतित्वम बर्का पहुना बेलौरी नगरपालिकाके प्रमुख प्रशासकीय अधिकृत खेमराज जोशी उ कार्यक्रमम सहभागी रिसमोती चौधरी कल परिवारके भित्तर परिवारहुकनके बिच छ्लफल व निर्णय प्रक्रियाम सक्कुजहनके सहभागी हुइना कैगिल रह। जिहिनसे हुइलक परिवारम हिंसा न्यूनीकरण होक परिवारम सम्मानित वातावरणके विकास हुइल बा। सँगैसँग और सहभागी चन्खुराम चौधरी घरपरिवारम फेन पुरुष, महिलाम मिल्क काम कर्ना व निर्णय प्रक्रियाम महिलाके सहभागीता हुइना बाट बताइल रलह। हिंसा विरुद्ध आवाज उथैना प्रतिबद्धता फेन सहभागीहुक्र कर्ल रलह।
हानिकारक मूल्यमान्यता परिवर्तन कैक परिवारके सदस्य बिच सुमधुर सम्बन्ध बनैना कार्यक्रमसे महत्वपूर्ण भूमिका ख्यालल बेलौरी नगरपालिकाके प्रमुख प्रशासकीय अधिकृत खेमराज जोशी बटाइल रलह।
घर परिवार व समुदायम कार्यक्रमसे सकारात्मक प्रभाव पर्लक ओहसे पालिका फेन असिन कार्यक्रमहन सहयोग कैक हातेमालो कर्ती आघ बहड्ना बेलौरी नगरपालिकाके नगर प्रमुख पोतीलाल चौधरी प्रतिबद्धता जाहेर कर्ल रलह।
यी कार्यक्रम CMC नेपालके कृष्णि चौधरी,TPO nepal के रुपा चौधरी, CDC DOTi के सीता बोहरा फियम नेपालके उर्मिला कुँवरके फेन उपस्थिति हुइल रह।
