कञ्चनपुर जिल्ला बेलाैरीके विश्व प्रविधि मञ्चके यात्रा तय कर्ती २१ वर्षके आइशा चौधरी ऐतिहासिक सफलता हात पर्ल बटी।
हालै विश्वप्रसिद्ध प्रविधि कम्पनी Google से फुलटाइम सफ्टवेयर इन्जिनियर पदम नियुक्त कर्लक संग उ ऐतिहासिक सफलता हात पर्ल रलही।
कुछ वर्षआघ कडा प्रतिस्पर्धाबीच Google म सफ्टवेयर इन्टर्नशिपके लाग छनोट हुइना सफल हुइल आइशा आपन प्रतिभा, लगनशीलता व कार्यकुशलताके बलम पूर्णकालीन पद सुरक्षित कर्ल बटी।
यी सफलतासे आब उ सोही कम्पनीम सफ्टवेयर इन्जिनियरके रूपम काम करही।
सिमावर्ती क्षेत्र बेलाैरीसे विश्व मञ्चसम्म
कञ्चनपुरके बेलौरी ४ घर रहल आइशा थारू समुदायके सामान्य पारिवारम जन्म लेहल युवती हुइटी। सीमित अवसर व स्रोत–साधनबीच फेन निरन्तर अध्ययन व अभ्यासमार्फत उ अन्तर्राष्ट्रिय स्तरके प्रविधि क्षेत्रम आपन स्थान बनाइक लाग सफल हुइल बटी।
कम्प्युटर साइन्स रोजेर अध्ययन अगाडि बढिलक उ प्रारम्भिक शिक्षा विज्डम एकेडेमी, बेलौरीसे एसईई उत्तीर्ण कर्ती पूरा कर्ल रलही। वाकर पाछ काठमाडौँसे प्लस–टु अध्ययन ओरिलक उ हाल भारतके हिमाञ्चल प्रदेशस्थित चित्कारासे ब्याचुलर अफ इन्जिनियरिङ (कम्प्युटर इन्जिनियरिङ) अध्ययन कर्ती बटी।
अध्ययनके क्रमम उ अन्तर्राष्ट्रिय इन्टर्नशिप प्रक्रियाम सहभागिता जनैती आपन क्षमता विश्वसामु प्रमाणित कर्ली।
परिवारम खुसीके लहर
आइशा, बाबा लक्ष्मीनारायण चौधरी व दाइ चिनरूपणी चौधरीके एक थो छावा/एक थो छाेरी मध्य उ छोत्की छाइ हुइती। छावा साैरभ चाैधरी फेन साेही विषय अध्ययनरतम बाट।
बेलौरी उद्योग वाणिज्य संघके पूर्व अध्यक्षसमेत रहलक बाब लक्ष्मीनारायण जुत्ता–चप्पल व्यवसाय हुइत।
छाइके उपलब्धिप्रति प्रतिक्रिया देती उ चौधरीखबर संगके बाटचितम कल,आइशा छुटी ठाउँसे फेन भारी सपना हेयार सेक्जाई व मेहनत गरे सफल हुन सकिन्छ कना देखाइल बाट। उहाके सफलता हमार परिवारके लाग केल नि हो , सिंगो समुदायके लाग गर्वके विषय बनल बा। असिन प्रतिभाहन पहिचान कैक सरकार साथ सहयोग हाैसला देह पर्ना हो कनव बाट धरल रलह।
प्रेरणादायी उदाहरण
आइशाके उपलब्धिसे विशेषगरी प्रविधि क्षेत्रम आघ बढ्न चाहने नेपाली युवतीहुकनके लाग नयाँ प्रेरणा थपल बा।
सिमावर्ती क्षेत्रसे विश्वकै अग्रणी कम्पनीम स्थान सुरक्षित कर्नक अप्न्नेम उल्लेखनीय उपलब्धि मन्थ। उहाके सफलतासे देखैल बाट छ— अवसर खोज्य हो कलसे, भौगोलिक सीमा सम्भावनाहन निरोकही। निरन्तर अध्ययन, सीप विकास व आत्मविश्वास नै सफलता प्राप्त कर्ना मूल आधार हो।
कञ्चनपुरके आइशा चौधरी आज विश्व प्रविधि क्षेत्रम नेपाली युवा शक्तिके प्रतिनिधित्व कर्ती नयाँ पुस्ताके लाग आशाके किरण बनल बती। कलसे, हुकहिन अत्राबेला सक्कुजन बधाई तथा शुभकामना व्यक्त कर्ती बाट।
