कञ्चनपुरके बेलौरी नगरपालिका वडा नम्बर ९ के आयोजनाम सामुदायिक स्कुलम बाल विकाससे कक्षा ३ सम पहड्ना विद्यार्थीहुकन शैक्षिक सामग्री वितरण हुइल बा।
शुक्रबार, बेलौरी नगरपालिका वडा नम्बर ९ के आयोजनाम" शैक्षिक सामग्री वडा कार्यालयसे, अजार भविष्य बालबालिकासे" कना मुल नाराके साथ सामुदायिक स्कुलम पहड्ना बाल विकाससे कक्षा ३ समके विद्यार्थीहुकन शैक्षिक सामग्री वितरण कर्लक हो।
कार्यक्रमम बेलौरी नगरपालिका वडा नम्बर ९ के वडा अध्यक्ष किसन सिंह रानाके सभापतित्वम बर्का पहुना बेलौरी नगरपालिकाके नगर उप-प्रमुख जोग राम चौधरी, पहुना वडा सदस्य बसन्ती नेपाली, वडा सदस्य सुनार, सिद्ध केदारनाथ आधारभूत विद्यालयका प्रधानध्यापक प्रमानन्द जोशी, वडा सचिव पार्वती बिष्ट, समाजसेवी बुद्धिजीवी लगायत धिउर जहनके उपस्थिति रह।
कार्यक्रमम शैक्षिक सामग्री पैलक स्कुल गोरखनाथ माध्यमिक विद्यालय, सिद्ध केदार आधारभूत विद्यालय, शुक्लाफा आधारभूत विद्यालय, त्रिभुवन माध्यमिक विद्यालय चार थो स्कुलमका विद्यार्थीहुकन लगाक जम्मा १७४ विद्यार्थी हुकन शैक्षिक सामग्री वितरण कैक कार्यक्रम ओराइल रलह।
कार्यक्रमम स्वागत मन्तव्य वडा सदस्य बसन्ती नेपालीके अनुसार" हमार वडाम रहल सामुदायिक विद्यालय अध्ययनरत बालविकाससे कक्षा ३ सम पहड्ना विद्यार्थीहुकन वडाके छुती बजेटसे शैक्षिक सामग्री देहती यी शैक्षिक सामग्री खुसी होक लेदेवी कती लेह अउइयाहुकन विशेष धन्यवाद देहल रलह।
अष्टकह बेलौरी नगरपालिका नगर उप-प्रमुख जोगराम चौधरीके अनुसार" आब जौन वडा नम्बर ९ यी कार्यक्रमके आयोजना कर्लक ओहरसे ओकरलाग वडाध्यक्ष किसान रानाहन विशेष धन्यवाद देहतु, काजेकी सामुदायिक विद्यालयम गरिब बर्गके बच्चाहुक्रे स्कुलम पढ् जैथ असिन कार्यक्रमसे पहड्नाम होसला प्रदान हुइनाके सँगसँग गरिब घरके परिवारहुकन कुछ रहत हुहिन कना उद्देश्यके साथ बेलौरी नगरपालिका सक्कुजहनसे हातेमालो कर्ती आघ बढल बाती अत्रकेल नि होक सक्कुजहन समान रुपसे कौनो जहन कखापाखा नि कैक आघ बढल बती कैक चौधरीखबरहन जानकारी देहल रलह।
सभापति किसन सिंह राना कल" शैक्षिक सामग्री वितरण कर्नाके खास उद्देश्य कहो कलसे हमार वडामे सक्कु वडासे गरिब घरपरिवार हुकनके लड्का हुक्रे सामुदायिक स्कुलम ढिउर हुहि बढाय नि सेक्ना घरपरिवार हुकनके बाल बच्चाहुकन कुछ्ना कुछ सहज हुहिन ओर हम्र वडासे बहुत अस्तह अस्तह कार्यक्रम चलैती आइती मेन कहो कलसे मनैनके जिवनम शिक्षा, स्वास्थ्य हुइना यक दम जरुरी बा, तब्ब ओहसे मै स्याकत सम वडाके बजेटले केल नि होल बाहरके बजेटसे फेन कार्यक्रम वडाबासीहुकन देती रना प्रतिबद्धता समेत जाहेर कर्ल रलह।
कार्यक्रमेक सञ्चालन बेलौरी नगरपालिका वडा नम्बर ९ म कार्यरत कम्प्युटर अपरेटर जगदीश चौधरी एकदम मजासे कर्ल रलह।
