शुक्रवार ,माघ अइना ११ दिन बाकी रल से फेन पश्चिम् नेपालके थारु बाहुल्य जिल्ला कञ्चनपुर और कैलाली लगायत अधिकाँश थारु गाउँ बस्तीम माघ पर्वके चहलपहल सुरु हुइल बा।
दुई जिल्लाके अधिकाँश थारु बस्तीम माघके लाग मछी , घोघी मर्ना लगायत कामम ब्यस्त बत । माघ अइना कुछ दिन और बाकी रलसे फेन तीब्र रुपम चहलपहल सुरु हुइलक जिल्ला कञ्चनपुर बेलौरी नगरपालिका ५ सुदर्शनपुर के अगुवा ( भलमन्सा ) किसन गम्वा बताइल बात ।
माघके तयारी मछी मर्ना से लेक रोटी पकिना लगायत काम चलल और नाचगान फेन चहलपहल सुरु हुइल गम्वा बताइल बात ।
कञ्चनपुरके बेलौरी नगरपालिका ७ के अगुवा बजारे चौधरी के अनुसार जिल्लाके अधिकाँश थारु गाउँम अजकाल माघके लाग सुवर घर घरमा बाधल देखिथ कलसे महिलन दोन्य , ट्प्री लगिना और चाउर के पिठाके तयारीम व्यस्त देखैथ।
महिला हुक्र माघम जाँड और सिकार खाइक लाग दोन्या , ट्प्री बनाइ लागल चौधरी बटिल पौलाहम दोन्या , टप्री बनैती अइलक फगुनी चौधरी माघम पहुना बहुत्त अइलक झार से जाँड , सिकार और खैनाचिज तयार कर्ती कैक बतिल ।
उह गाउँके आरती चौधरी माघक लाग बयरके चत्नी , अचार बनिना म व्यस्त रहल बतिली । उ कलिन एक महिना आघसे पत्या,काठी कर्के धर्ल बतु ।
मोरै, अद्वा और टिमाटर मिलाक अचार बनैती रहल आरती चौधरी माघक लाग विषेश परिकारके रुपम लेना ढिकरी कलसे माघ अइना दुई चार दिन बाकी रलसे केल बनैना बतिली । थारुनके मौलिक सस्कृतिसे भरल लौव वर्ष माघह कैक सबसे भरी पर्वके रुपम मान्जाईत ।
अस्तहक माघ पर्वके चहलपहल म बेलौरीके खुल्ला मञ्चमे यह पौष २६ गते से २८ सम्म माघ म्याला मेला लग्ना आयोजक के ( भलमन्सा ) किसन गम्वा बटाइल बात ।
दिनेश चौधरी
