आज विक्रम संवत् २०८२ साल वैशाख १ गते नयाँ वर्षके आघक दिन देशभर एकआपसम शुभकामना आदानप्रदान कैक हर्षोल्लासके साथ मनाइत ।
आज सूर्य मीन राशिके भोग ओराक मेष राशिसे भोग शुरु कर्ना दिन, वैशाख सङ्क्रान्ति अर्थात् मेष सङ्क्रान्ति तथा वर्षके आघक दिन फे हो ।
हरेक वैशाख १ गते शुरु हुइना नयाँ वर्षहन नेपाली संस्कृतिम विशेष दिनके रुपम मनइथ । विक्रम संवतके पात्रोअनुसार सौर्यमानक हिसाबसे वैशाख १ गते नयाँ वर्ष मनैथ।
नयाँ वर्षके आघक सन्झ्याक सङ्हरिया, इष्टमित्र भेटघाटसहित रमाइलो कैक वर्षान्त फे मनैथ। नयाँ वर्षम धार्मिक आस्था धरुइया मठमन्दिरम जाक पूजाआजा कर्ना फे कर्थ ।
विगतक कामके समीक्षा कर्ती कमजोरी सुधार कैक नयाँ जोश व जाँगरक साथ आपन कामम लग्ना नयाँ वर्षक अवसरम प्रण फे कर्ना कर्थ।
अस्तहक आजके दिन योजना बनैना व कुनै कामम सफलता पैनक लाग सङ्कल्प कर्ना चलनसमेत रहल बा । आजके दिन नयाँ कामके थालनी कर्ना परम्परा फे रहल बा।
आज बहुत्त गैलक वर्ष कर्लक कामके सफलता/असफलता मूल्याङ्कन कैक असफलता दोर्याय निदेहकलाग व सफलता पैनक लाग योजना निर्माण एवम् सङ्कल्प कर्ना कर्थ ।
आज बिहान्नी स्नान कर्ना, घर, कोठा–अग्ना सफा कर्ना, तथा आफन्त, परिवार व सङ्हरियाहुकनसे भेटघाट कर्ती मिष्टान्न भोजन बनाक खैना चलन बा।
दिनेश चौधरी
