बेलौरी, कञ्चनपुर –
बेलौरीम बिहीबारसे तेस्रो नगरपालिका स्तरीय पुरुष भेट्रान भलिबल प्रतियोगिता सुरु हुइल बा। बेलौरी नगरपालिका वडा नम्बर ७ खेलकुद सञ्चालन समितिको आयोजनाम उक्त प्रतियोगिता सुरु हुलक हो।
प्रतियोगिताके सुदूरपश्चिम प्रदेश सरकारक पूर्व भौतिक पूर्वाधार विकासमन्त्री प्रकाश देउवा उद्धाटन करल रलह। उद्घाटन समारोहम बोल्ती पूर्वमन्त्री देउवा, “खेलकुदह अनुशासन, सहकार्य र एकता कायम कर्ना महत्वपूर्ण भूमिका खेल्ठा,” कती भेट्रान खेलाडीहुकन नयाँ पुस्ताहन प्रेरणा लेहपर्ना बटाइल बाट।
असिन प्रतियोगितासे समुदायम सकारात्मक ऊर्जा फैलिना विश्वास व्यक्त कर्ती कल , “आगामी दिनम खेल क्षेत्रके पूर्वाधार विकासक लाग सक्कु पक्षके सहकार्य आवश्यक बा।”
अस्तहक, कार्यक्रमम बेलौरी नगर प्रमुख पोतीलाल चौधरी कल, “खेलकुदसे सामाजिक रूपान्तरण व नेतृत्व विकासम टेवा पुगी।” उ युवाहुकन सकारात्मक दगरम लानक लाग खेलकुद प्रभावकारी माध्यम हुइलक उल्लेख कर्ती, “नगरपालिकासे असिन प्रतियोगिताम निरन्तर समर्थन व सहयोग कर्ना प्रतिबद्धता व्यक्त कर्ल” मेयर चाैधरी कल,- भेट्रान खेलाडीहुकनके अनुभव व योगदानह सम्मान कर्ती, “नयाँ पुस्ताह हुकनसे सिखपरथ।”
कार्यक्रमक सभाध्यक्ष एवम् वडा नम्बर ७ के अध्यक्ष प्रकाश श्रेष्ठ “भेट्रान भलिबल पुरान खेलाडीहुकनके अनुभव आदानप्रदान कर्ना एकथो अवसर रलक बतैटी भेट्रान उमेर समूहके खेलाडीहुकनके स्वास्थ्यक लाग फे बहुत उपयोगी रलक बटील।”उ प्रतियोगिता निरन्तरताके कामना गर्दकर्ती खेलम आमन्त्रित एवम् सहभागी सक्कुजहन आभार व्यक्त करल रलह।
आयोजक समिति अध्यक्ष तेजबहादुर चन्दके अनुसार, ४० वर्षउप्पर खेलाडीहुकनके सहभागिता रहल प्रतियोगिताम धनगढी, महेन्द्रनगर र स्थानीय कैक कुल ७ टिम सहभागी बाट । उ कल, “खेलकुदसे स्वास्थ्य व सामाजिक एकता प्रवर्द्धन कर्ना हुइलक ओहरसे आघक दिनम ओर व्यापक सहभागिता सहित प्रतियोगिता आयोजना करैबी।”
खेल समारोहम स्थानीय जनप्रतिनिधि, समाजसेवी बुद्धिजीवी एवम् खेलप्रेमी महानुभावहुकनके ढिउर से ढिउर सहभागीता रहल रह ।
उ डे- नाइट भलिबल प्रतियोगिता शनिबारसम्म सञ्चालन हुइना आयोजक बटाइल बाट।
दिनेश चौधरी
