बेलौरी नगरपालिका वडा न ७ वडा कार्यालय भगतपुरके समन्वयम धनगढी संजिवनी अस्पतालदारा १ दिनके निशुल्क स्वास्थ्य शिविर ओराइल बा ।
शनिबार बेलौरी नगरपालिका वडा न ७ वडा कार्यालय भगतपुरके समन्वयम धनगढी संजिवनी अस्पतालसे १ दिनके निशुल्क स्वास्थ्य शिविर ओराइल रह ।
कैलाली , धनगढी संजिवनी अस्पतालके सक्कु प्रकारके विशेषज्ञ डक्टर सुमन चौधरी MBBS MD पेट,छाती,मुटु,सुगर तथा थाईराइड सम्बन्धि , डा. मोहन नाथ MBBS MS हाडजोर्नी , बाधरोग सम्बन्धि ,डा.जगदिश चन्द्र बिष्ट MBBS MD प्रसुती तथा स्त्रीरोग सम्बन्धि , डा. ज्योती पाण्डेय MBBS MS ENT नाक,कान,घाँटी सम्बन्धि डा.सुदिप हुमगाई MBBS (KU) MD कन्सल्टेन्ट रेडियोलोजिष्ट सम्बन्धि डक्टरोन आके बिरम्याहुकन मजासे चेकजाक करल रलह ।
अस्तक बेलौरी म रहल जगदम्बासे ल्याब ,एक्सरे,एम्बुलेन्स निशुल्क रुपसे बिरम्यन सेवा देहल रलह ।
कार्यक्रमम बेलौरी नगरपालिका वडा न ७ के वडा अध्यक्ष प्रकाश श्रेष्ठके सभापतित्वम बर्का पहुना बेलौरी नगरपालिकाके उप-प्रमुख जोगराम चौधरी मन्ला पहुना बहुमुखी क्याम्पसके अध्यक्ष हरेन्द्र सिंह बिष्ट , बेलौरी नगरपालिका वडा न ८ के वडा अध्यक्ष बिषाम राना,कुण्डा सव डिभिजन वन कार्यालयके प्रमुख दिनेश कुमार यादव व गाउँके भलमन्सा , समाजसेवी बुद्धिजीवी , स्वयमसेवीका , पत्रकारके ढिउर से ढिउर सहभागी रलह ।
बर्का पहुना जोगराम चौधरीके अनुसार सबसे पहिलत यी जोन गरिब परिवारहुक्र दवाई कर नि सेक्ना अवस्था से सेवा कर्ना मौका पैल , व्यवस्थापन मिलाक समन्वय कैक धनगढी संजिवनी अस्पताल व वडा न ७ के वडा अध्यक्षहन बिशेष धन्यवाद देहल रलह ।
मन्ला पहुना युवा जुझारु नेता हरेन्द्र सिंहके अनुसार बेलौरी नगरपालिका ७ के वडा अध्यक्ष प्रकाश श्रेष्ठ जसिन मनैन नि भेटिबो काजे कि हरेक जात जातिक मनैन सक्कुजहन समेत्क लैजिथ ।उ जनतनके कामम अहोरात्र खटल रथ अत्रकेल नाही विकासके सन्दर्भम फेन औंर थाउसे मजा काम कर्ल बाट व जोन स्वास्थ्य शिविर लान्क जोन निशुल्क रुपसे बिरम्यन चेकजाच कैक निशुल्क फेन औषधि ,रगत जाँच, एक्सरे, भिडियो एक्सरे करुइया सक्कु संजिवनी अस्पतालह व वडा अध्यक्षहन बहुत बहुत धन्यबाद देती आगामी दिनम फेन अस्तह कार्यक्रम धर्ती रबि कना शुभकामना देल ।
कुण्डा सव डिभिजन वन कार्यालय प्रमुख दिनेश कुमार यादवके अनुसार हम्र गरिब अति बिपन्न जनतनके लाग स्वास्थ्य उपचारके लाग अध्यक्षसे सल्ला कैक डक्टरोन लान परथ कना हिसबले यी स्वास्थ्य शिविर लन्लक हो।आगामी दिनम फेन यीहीसे भारी स्वास्थ्य शिविर होय कति अइति रहल नयाँ वर्षके सक्कु जहन शुभकामना देहल रलह ।
श्रेष्ठ कल स्वास्थ्य शिविर धर्नाके खास उद्देश्य काहो कलसे जुन मनैइ गरिब अवस्थाम बाट बिर्वा कराइ सेक्ना अवस्था नि रहल मनै फे बाच सेकत कैक यी कार्यक्रम धर्लक हो। वडा न ७ म धर्लक स्वास्थ्य शिविरम आक जे फेन नि लजाके आपनम रहल रोग निर्धक्क साथ डक्टरोन के थेन बटिहो तब केल डक्टरोन मजासे रोग पत्ता लगाके उपचार करही अस्तक आझके सेवा ग्राहिनके संख्या करिब ५ सय मनैइ सेवा लेहल रलह ।
कार्यक्रमके सञ्चालन बेलौरी नगर खेलकुद विकास समितिके सदस्य टेज बहादुर चन्द करल रलह।
दिनेश चौधरी
