कञ्चनपुर बेलौरी नगरके विपन्न नागरिकहुकनके लाग घर निर्माण हुइ लागल बा । जिल्लाके दक्षिणी क्षेत्र बेलौरी नगरपालिका चार वडाके २५ विपन्न परिवारक लाग पक्की घर निर्माण हुइ लागल बा ।
बेलौरी नगरपालिका ५, ६, ७ र ८ वडाके विपन्न नागरिकहुकनके लाग आधुनिक पक्की घर बनाईन लागल बा । बैलौरी नगरपालिका व निड्स नेपालके संयुक्त साझेदारी कार्यक्रम अन्र्तरगत आब्ब २५ घर निर्माण हुइ लागल बा ।
बुधबार एक कार्यक्रमक विच बेलौरी नगरके मेयर पोतिलाल चौधरीके उक्त भवन शिलान्यास कर्ति यथाशिघ्र समयम निर्माण हुइना बतइटी जनताहुक्र समयमै घर पइना बटिल । मेयर चौधरीके अनुसार सुरक्षित आवास कार्यक्रम अन्तरगत विपन्न नागरिकहुकनके लाग घर निर्माण कर्ना लागल बाट। यिहिसे आघ बेलौरीके ९ व १०के १५ विपन्न घर निर्माण कैक हस्तान्तरण करल रलह ।
बेलौरीके विपन्न नागरिकहुकनके घर निर्माण हुइलागल त स्थानीय हर्षित हुइल बाट। यिहिसे आघ झुपडी व खरले छैलक कच्ची घरम बैत्ति अइलक विपन्न परिवारके लाग नगरपालिका घर निर्माण कैदेहल त हर्षित हुइल बाट ।
दिनेश चौधरी
