बेलौरी, कञ्चनपुर -
कञ्चनपुरके बेलाैरी नगरपालिका २ टेडुवा गाउँमा देख्लक पाटेबघ्वा पक्रल बाट ।
आइतबार शुक्लाफाँटा राष्ट्रिय निकुञ्जसे खट्लक उद्धार टाेली टेडुवा गाउँके लघ्घक खल्लोमसे बघ्वा पक्रलक हो ।
बघ्वा शुक्रबार सन्झ्याके स्थानीय हरि प्रसाद चौधरीके बगोरोमसे बाच्छाेहन पक्रक लघ्घक गहुँबारीम मजासे सुतल रह।
उ बघ्वाहन ड्राेन मार्फत लगातार पाछ परल स्थानीय वीरेन्द्र शाही बिरु सहित सुरक्षाकर्मीके टाेली खोज्नाम महत्त्वपूर्ण भूमिका निर्वाह करल रलह ।
ड्राेन क्यामेराम बघ्वा कटैनी खल्लोम देख्खक उद्धार टोली व वन कार्यालयके टोली पहरा देती शुक्लाफाँटा राष्ट्रिय निकुञ्जसे मगिलक हात्ती सहितके उद्धार टाेली आइतबार दिनके डाट कर्क पक्रनाम कुण्डासव डिभिजन बन कार्यालयके प्रमुख दिनेश कुमार यादव बटिल ।
चौधरी खबरके बाटचितम यादव कल- पक्रलक बघ्वाहन आब्ब डिभिजन कार्यालय कञ्चनपुर पठाइल बा यद्यपि बघ्वाके स्वास्थ्य अवस्था हेर्क कहाँ धर्ना कना विषयम पाछ केल छलफल हुइ ।
दिनेश चौधरी
