बेलाैरी, कञ्चनपुर -
कञ्चनपुरके पुरान सदरमुकाम बेलाैरीम नगरस्तरीय खुल्ला ब्याडमिन्टन प्रतियोगिता सञ्चालन हुइक्ला बा।
बेलाैरी चिया ग्रुपके आयाेजनाम यह चैत्र २१ से २३ गतेसम्म नगरस्तरीय प्रथम चिया कप ब्याडमिन्टन प्रतियोगिता सञ्चालन हुइना चिया ग्रुपका महासचिव अशोक पाण्डे बटिल।
महासचिव पाण्डेके अनुसार स्वास्थ्यक लाग खेलकुद सद्भावक लाग खेलकुद कना मूलनाराके साथ चैते दशैं व नयाँ वर्षके उपलक्ष्यम सघ्र्याहुकनके बीच शुभकामना आदानप्रदान कर्ना उद्देश्यले प्रतियोगिताके आयोजना कर्लक हाे ।,
बेलाैरी चिया ग्रुपके सचिव राजेश भट्टद्वारा हस्ताक्षरित सूचनाम बेलाैरी नगरपालिका भित्रके सक्कु ब्याडमिन्टन खेलप्रेमी महानुभावहुकन चैत्र २० गते भित्र टीम दर्ताके लाग बोलाइल बाट।
डबल ब्याडमिन्टन प्रतियोगिताम टीम दर्ता शुल्क एक हजार रहल काेषाध्यक्ष रज्निस भण्डारील बटिल । भण्डारी प्रथम पुरस्कार २० हजार, द्वितीय १० हजार र तृतीय पुरस्कार पाँच हजार सहित कप मेडल र प्रमाणपत्र प्रदान कर्ना जनाइल बाट।
प्रतियोगिता बेलाैरी ४ शान्तिपुर स्थित उग्रतारा ब्याडमिन्टन हलम सञ्चालन हुइना बेलाैरी चिया ग्रुपके अध्यक्ष टंकराज गिरी जनिल । उ कार्यक्रमम सहभागी होक खेलाडीहुकन हाैसला प्रदान कर्ना खेलप्रेमी सक्कुजहन अनुरोध कर्ल बाट ।
दिनेश चौधरी
