बेलौरीम पाँचौ चर्नाबठ्वा गोत्यार सम्मेलनके उद्घाटन हुइल बा।
शुक्रबार बेलौरी नगरपालिका ७ छोट्की सिहपुरम चर्नाबठ्वा केन्द्रिय समिति दाङ अमराईके आयोजनाम पाँचौ चर्नाबठ्वा गोत्यार सम्मेलन हुइटा ।
चर्नाबठ्वा गोत्यारनके " परपरागत रीतिरिवाजके पहिचान भाषा सस्कृती बचैना चर्नाबठ्वाके अभियान कना मुल नाराके साथ १५ गते व १६ गते सम कार्यक्रम चल्ना कैक बेलौरी नगरपालिका ७ के मनिराम चर्नाबठ्वा आपन छुटिमुटी शुभकामना देती बटिल ।
कार्यक्रमम बर्का पहुना रवि लाल चर्नाबठ्वा, मन्ला पहुना खुशी राम चर्नाबठ्वा,लाहानु चर्नाबठ्वा,केन्द्रिय सदस्य भागी राम चर्नाबठ्वा, व खास पहुना बेलौरी नगरपालिका ७ के स्वयमसेवीका अटोरनिया चर्नाबठ्वाहुकनके ढिउर से ढिउर उपस्तिथि रह।
कार्यक्रमम बर्का पहुना रविलाल चर्नाबठ्वाके अनुसार गोत्यार गोत्यार चिनजान हुइना जरुरी बा ।यदि हम्रे गोत्यार नि जानब त गोत्यार गोत्यार म भोज हुइना सम्भवना ज्यादा हुइ ।वह मारसे असिन ना होय कैक यी गोत्यार कार्यक्रम धर्लक हो।कैक बटिल ।
मन्ला पहुना केन्द्रिय सदस्य भगिराम चर्नाबठ्वाके अनुसार गोत्यार गोत्यार यक जुत हुइना जरुरी बा ।अत्रकेल नि होक हमार गोत्यारम शिक्षाम , राजनीतिकम फेन आघ बहड्ना जरुरी बा कजेकी हमार पछक पिधी शिक्षित हुहित हमार पहिचान बचाय सेकही कना बाट धर्ती नया वर्षके शुभकामना समेत देहल रलह ।
कार्यक्रमके सञ्चालक कैलाली जिल्लाके अध्यक्ष बिन्टी राम चर्नाबठ्वाके अनुसार जेष्ठ नागरिकहुकन सम्मान कर्नाके साथ साथ नाछ गान कैक भव्य व सभ्य रुपम मनैबी कैक बटिल ।
दिनेश चौधरी
