कञ्चनपुरके बेलौरी नगरपालिका वडा नम्बर ४ म रहल बेलौरीके खुल्ला मञ्चम थारु कल्याणकारणी सभा जिल्ला कार्यालय कञ्चनपुरके आयोजनाम व बेलौरी नगरपालिकाके आर्थिक सहयोगम थारु सांस्कृतिक प्रदर्शनी कार्यक्रम ओराइल बा।
आइतबार, बेलौरी नगरपालिका वडा नम्बर ४ म रहल बेलौरीके खुल्ला मञ्चम थारु कल्याणकारीणी सभा जिल्ला जिल्ला कार्यालय कञ्चनपुरके आयोजनाम व बेलौरी नगरपालिकाके आर्थिक सहयोगम " परम्परागत सीपकला संरक्षण कर्ना हमार अभियान बचाई पर्ठा पुर्खनके सहिदान" मुल नाराके साथ थारु सांस्कृतिक प्रदर्शनी कार्यक्रम भव्य व सभ्य रूपम ओराइल रह।
कार्यक्रमम थारु कल्याणकारणी सभा जिल्ला कार्यालय कञ्चनपुरके अध्यक्ष सानू चौधरीके सभापतित्वम बर्का पहुना सुदूरपश्चिम प्रदेशके सामाजिक विकास मन्त्रालयके मन्त्री मेघराज खड्का,खास पहुनाहुक्र सुदूरपश्चिम प्रदेश सभा सदस्य दिवान सिंह विष्ट,सुदूरपश्चिम प्रदेश सभा सदस्य गीता चौधरी, बेलौरी नगरपालिकाके नगरप्रमुख पोतीलाल चौधरी,बेलौरी नगर उप-प्रमुख जोगराम चौधरी, सुदूरपश्चिम प्रज्ञा प्रतिष्ठान उप-कुलपती टिएन जोशी,पहुनाहुक्र बेलौरी नगरपालिकाके प्रमुख प्रशासकीय अधिकृत रमेश प्रसाद बुढाथोकी, बेलौरी इलाका प्रहरी कार्यालयके प्रहरी निरीक्षक कमल प्रसाद चौधरी,थारु कल्याणकारी सभाके केन्द्रीय सदस्य फुल राम चौधरी,सीता डगौरा, जिउलाल चौधरी, हरिराम चौधरी, उदयराज थारु, वडा सदस्य आरती चौधरी, वडा न ६ के वडा अध्यक्ष भोज राज चौधरी, वडा सदस्य कमान सिंह चौधरी, वडा सदस्य देशु चौधरी अस्तहक भलमन्सा बेलौरी नगर भलमन्साकेअध्यक्ष अमर चौधरी,लगायत समाजसेवी बुद्धिजीवी पत्रकार सुरक्षाकर्मीहुकनके फेन उपस्थिति रह।
बेलौरी नगर उप-प्रमुख जोगराम चौधरी कल"थारु जातिनके भेषभुषा, पहिचान झल्कैना,खानपान रहनसहनके प्रदर्शनीके रुपम लन्ना यक थो बहुत सान्दर्भिक मजा कार्यक्रम हुइलक ओहरसे बेलौरी नगरपालिकाके परिवार व व्यक्तिगत तर्फसे विशेष धन्यवाद देह चहतु।अस्तकह बेलौरी नगरपालिका क्षेत्रभित्र रहल थारु सामुदायिकहुक्र आपन आपन ठाउँसे आक सांस्कृतिक कार्यक्रम देखाइ आइल बाट अप्नहुकन फेन विशेष धन्यवाद देहतु। अत्रकेल निहोक बेलौरी नगरपालिकासे यक थो भलमन्सा ऐन पारित कर्ल बटी। अस्तक थारुनके अधिकारके लड्ना यक थो मुल संस्था हुइलक ओहरसे आपन संस्कृति बचिनाके सँगसँग शिक्षाम फेन जोड् देती आइटी। बेलौरी नगरपालिका सक्कु जातजातिहुकन समान रुपसे हातोमालो कर्ती आइती।
सुदूरपश्चिम प्रदेश सभा सदस्य गीता चौधरीके अनुसार थारु सामुदायिके बहुत संस्कृति,कला,पुरान पुरान रहनसहन बा।अस्तह आपन कला देखाय ठाउँ ठाउँसे आके प्रस्तुत कर्ना मौका पहि तो आघक दिनम थारु समुदाय अवस्य आघ पढ्ही तब्ब ओहरसे यी आयोजना करुइया आयोजक टीमहन विशेष धन्यवाद देना चाहतु। मै थारु जातिनके लाग भलमन्साहुकनके प्रथाके विषयम फेन प्रदेश ओहर बात धर्ती आइल बाटु। भलमन्सनके ऐन कानुन बनय पर्था कैक फेन प्रदेश अवाज उथैती आइतु प्रदेश कर पर्ना सहयोग यकदम हातोमालो कैक आघ बहड्ना प्रतिबद्धता जाहेर कर्ल रलह।
कार्यक्रमके बर्का पहुना सुदूरपश्चिम प्रदेश सरकारके सामाजिक विकास मन्त्री मेघराज खड्का थारु समुदायके भाषा,कला व संस्कृतिके सुदूरपश्चिमके पहिचानहन समृद्धि बनाइक लाग संरक्षण व प्रवर्धन कर्नाम जोड देहल रलह।
कार्यक्रमके सभापति सानू चौधरी कल" थारु समुदायके मौलिक कला,संस्कृतिक पहिचान,संरक्षण व प्रवर्द्धन कर्ना उद्देश्यले यी कार्यक्रम कैगिल हो। अत्रकेल नि होक रानाथारु खुना थारुहुकनके मुद्दा यजेन्डा अधिकारके सक्कुजहन समेत्क लैजिनाम थारु कल्याणकारणी सद्दभर आघ रही कना प्रतिबद्धता जाहेर कर्तु व कार्यक्रमम थारु परम्परागत खानाके परिकार, हस्तकला, चित्रकला,व सांस्कृतिक पुरान पुरान समान फेन प्रदर्शनीम ढइल रह।वाक सँगसँग बहुत किसिमके झुम्रा नाच, मघौटा, सखिया,राना होरी नाच व कलाकार मोडेल दिब्य चौधरीके बेजोड प्रस्तुति हुइल रह।
कार्यक्रमके सञ्चालन थारु कल्याणकारणी सभा जिल्ला कञ्चनपुरके सचिव रेशम चौधरी यकदम मजासे कर्ल रलह।
