नेकपा एमाले कञ्चनपुर जिल्ला कमिटि सिफारिस कर्लक उम्मेदवार से बाहेरसे समानुपातिक उम्मेदवारके सुची पाटीसे निर्वाचन आयोगम बुझाइल बा। एमाले कञ्चनपुर जिल्लासे सिफारिस कर्लक समानुपातिक उम्मेदवारसे बाहेरसे पाटीसे निर्वाचन आयोगम सुची बुझाइल हो।
आगामी २१फागुन ०८२म हुइना प्रतिनिधी सभा सदस्य निर्वाचनके एमाले जिल्लासे सिफारिस कर्लक नाउसे बाह्यसे नाउ पर्क बबण्डर मच्चल बा।
चुनाव होय निसेक्ना, चुनाव बिरोधम रहलक एमाले सोमबार मध्यरातम समानुपातिक उम्मेदवारके नाउ निर्वाचन आयोगम बुझिलक हो।
एमाले केन्द्रसे बुझिलक उ बन्दसुचिम जिल्लासे पठिलक कौनोफेन उम्मेदवारके नाउ सिफारिस निकर्लसे जिल्लाम बबण्डर मच्चल बा।पाटीसे यीहिनसे आघ सांसद हुइलक, पुर्व मन्त्रीके नाउ सिफारिस निकर्नव मापदण्ड तय कैक नाउ पथैना जारी कर्ल रलह, तर जिल्लासे सिफारिस कर्लक उम्मेबारके लिष्ट रद्दीके टोकरीम धर्ती येहिनसे आघ सांसद हुइलक निरुदेवी पाल व कृपाराम रानाहन बन्द सुचिम धर्लसे एमालेभित्र विवाद चुलिएल बा। राना ०७०म ओरिलक दोस्रो संविधान सभा सदस्य निर्वाचनसे समानुपातिक सांसद व पाल ०७४म प्रतिनिधी सभा सदस्य निर्वाचनसे समानुपातिक सांसद हुइल रलह। ०७९म ओरिलक प्रदेश तथा प्रतिनिधी सभा सदस्य निर्वाचनम राना क्षेत्र २(ख) व पाल क्षेत्र ३से प्रतिनिधी सभा सदस्यकी उम्मेबार हुइती। पाल ०६५म फेन ओरिलक पहिलक संविधान सभा सदस्य उप निर्वाचन तत्तकालिन क्षेत्र ४से समेत उम्मेदवार रलही।
एमाले युवा जेनजी पुस्ता वर्तमान जनादेशके मर्म भावना विपरित यीहिनसे आघ सांसद हुइल व्यक्तिहन नै अबसर देलक कति चरम असन्तुष्टी व्यक्त कर्त। पटक पटक सांसदके टिकट पाइलक समानुपातिक सांसद हुइलक नेता पुनपुन दोहोरियाइल कति एमाले युवाजेन्जी पुस्तासे असन्तुष्टी प्वाखल हुइत। हुक्र समानुपातिक तर्फ जैना चहलक जिल्लासे सिफारिस हुइलसे राम्रो हुइना नेता कार्यकर्ताहुकनके सुझाव बा।
एमाले कञ्चनपुर स्रोतके अनुसार खसआर्य पुरुष तर्फ नन्दलाल चटौत, स्थिर प्रशाद घिमिरे खसआर्य महिला तर्फ कमला बोहरा, चिनी गिरी, शुशिला सिह, आदिवासी जनजाती तर्फ फैरु तामाङ्ग, दलितबाट लक्ष्मी विक, तेज बहादुर विक, थारुसे चित्रा चौधरी, ईकरानी राना, रमिता राना(बडायक), थारु पुरुषबाट कलबिर चौधरी, ज्ञानेन्द्र राना, करमसाय रानाहन सिफारिस कर्ल रलह। तर, जिल्ला पाटीसे सिफारिस कर्लक कति हाईज्याक कैक केन्द्रपाटी बन्द सुचीम नाउ धर्लसे एमाले कञ्चनपुर पाटी झसल बा।
एमाले कञ्चनपुरके अध्यक्ष लक्ष्मी बुढा जिल्लासे सिफारिस कर्लक उम्मेदवारसे बाहेरसे लान्क बन्द सुचिम धर्लक बतैली। हम्र जिल्लासे सिफारिस कैक पथिलक नामावली थन्क्याक यहाँ यीहिनसे आघ सांसद होस्याकल निरुदेवी पाल व कृपाराम रानाहन केल फारम भर लगाइल रलह, ‘उ कलिन, ‘जिल्ला पाटीके सिफारिससे बाहेरसे सिफारिस कर्जाय, यी पाटीके लाग दु : खके विषय हो।
अध्यक्ष बुढा यीहिनसे आघ सांसद, मन्त्री होस्याकल नेताहुकन समानुपातिक तर्फ सिफारिस निकर्ना निर्देशन देलसे फेन केन्द्र पाटी अप्पने देलक निर्देशन उलङघन कर्ती बन्द सुचीम जिल्लाके सिफारिस वास्ता नै निधरल दुखेसो पोख्ली। एमाले नेतृत्व अप्पने लोकतान्त्रिक विधी प्रकृयाके हुर्मत देयक औरपाटीसे जाईलग्ना तर, अप्पने जिल्लासे पथिलक नामावली थन्क्याक आपन खुसी असिक उम्मेदवार बन्दसुचीम धर्लक कती पाटी तत्तकालिन बरिष्ठ उपाध्यक्ष ईश्वर पोखरेल समुह समेत रुष्ट हुइल बाट।
