कञ्चनपुरके बेलौरी नगरपालिका वडा न ४ व ६ वडाके आपन आपन आयोजनाम जेष्ठ नागरिकहुकन धार्मिक तीर्थयात्रा मुक्तिनाथ मन्दिरके दर्शन कैक आगिल बाट।
बुधबार , बेलौरी नगरपालिका वडा न ४ वडा अध्यक्ष अर्जुन ढकालके आयोजनाम यह असोज २४ गते धार्मिक तिर्थ यात्रासे २९ गते सम धार्मिक भ्रमणम जेष्ठ नागरिक २८ जन मुक्तिनाथ मन्दिरके दर्शन कैक घर पुगल बाट। अस्तकह बेलौरी नगरपालिका वडा न ६ के वडा अध्यक्ष भोजराज चौधरी फेन आपन वडाके जेष्ठ नागरिक ३३ जहन मुक्तिनाथ मन्दिरके दर्शन कैक घर पुग्गिल बाट।
मुक्तिनाथके यात्राम बेलौरी नगरपालिका वडा न ४ के वडा अध्यक्ष अर्जुन ढकाल, सदस्य रुद्र अधिकारी , सचिव संजीव चौधरी , महादेव राना , कम्प्युटर अपरेटर्स निर्मला जेठारा , ,श्रीपुर प्राथमिक स्वास्थ्य केन्द्र्के कर्मचारी नरेन्द्र गैरे अस्तकह बेलौरी नगरपालिका वडा न ६ के अध्यक्ष भोजराज चौधरी , बेलौरी नगरपालिका महिला विकास शाखाके प्रमुख बिमला बजाई , स्वास्थ्यसे ममता विष्ट , सचिव केशव प्रसाद उपाध्याय , सदस्य जयन्ती टमता , भवानी शंकर रेग्मी जेष्ठ नागरिक सल्लाहाकार,स्वयम् सेवक श्रीन्गी राना जाके जेष्ठ नागरिक हुकन यकदम मजासे मुक्तिनाथ समके दर्शन कैक लानल रलह।
दर्शन कर्लक ठाउँ मुक्तिनाथ मन्दिर , म्याग्दी जिल्लाके गलेश्वरधाम , कागबेनी , बाग्लुङ जिल्लाके कालिका भगवती मन्दिरके दर्शन , पोखराले फेवाताल , डेभिस फल लगायतके ठाउँम जेष्ठ नागरिकहुकन धार्मिक ठाउके दर्शन कैक आइल बाट।
जेष्ठ नागरिक भगवती विष्ट वडा न ६ के वडा अध्यक्ष कल" हम्र यहाँ सम पुग्ना मौका अमिन सम नि पैल रलही यी त हमार जन्माइल छावनसे फेन भारी काम कर्ल तब मार हमार नेपाल देसम अस्तह नेतनके खाचो बा । जो कि हमार छावन D S P , S P बाट तब फेन मुक्तिनाथके दर्शन कर्ना मौका नि पैल हुइती असिन पुन्य काम हमारलाग कर्देलक ओहरसे हमार वडा जेष्ठ नागरिकहुक्र खुशी हुइती भोजराज चौधरी हन भगवती विष्ट सम्मान कर्ती धन्यवाद ओर आशीर्वाद देहल रलहिन।
वडा न ४ के जेष्ठ नागरिक वडा अध्यक्ष अर्जुन ढकालहन कल " असिन उमेरम फेन हमिन यी मुक्तिनाथके दर्शन कर पैली यकदम खुशी लागल बा खुशीके मारे हमिन थकाइ , भोग , प्यासके फेन कोइ पत्तो नि चलल अर्जुन ढकालहन जेष्ठ नागरिकहुकर खुशीके आस तक बहाइल रलह जो कि हमार छावन यहाँ सम पुगाइल नि रलह। लीला अधिकारी बटिल असिन वडा अध्यक्ष पैना कलक त भगवान पाइल जसिन लागल हमारलाग सद्दभर अस्तह नेता चहल बा।
अध्यक्ष अर्जुन ढकाल कल " हम्र कौनो घुम गिलक नि हो जेष्ठ नागरिकहुन मुक्तिनाथ मन्दिर समके दर्शन करैना उद्देश्यके साथ आघ बहड्लक हो।जेष्ठ नागरिक हुकनके लाग अक्सिजन सिलेन्डर दवाइ स्वास्थकर्मी , स्वयमसेवक, पत्रकार हुकन समेत्क लैगिल रलही।
अध्यक्ष भोजराज चौधरी कल" विकास कना दगर , पुल , मन्दिर बनैना यी केल विकास नि हो।जेष्ठ नागरिकहुकन कहु लैजाक दर्शन करैना यी फेन त विकास हो।तबमार सक्कुजहन समेत्क लैजिना जरुरी बा। अत्रकेन नि होक आब माहोल मिलाक अफ्किर पाला एकल महिलाहुकन कौनो ना कौनो ठाउँ लैजीना सोच बनाइती।
