बेलौरी, कञ्चनपुर -
कञ्चनपुरके रामपुर बहुमुखी क्याम्पसम नेकपा माओवादी केन्द्रके प्यानलै निर्वाचित हुइल बा । अखिल क्रान्तिकारी नेतृ रबिना राना सभापतिम निर्वाचित हुइल ओर अन्य यिहिसेआघ है निर्बिरोध निर्वाचित हुइल रलह । त्रिभुवन विश्वविद्यालय अन्र्तरगत बेलौरी नगरपालिका ८ कलकत्ताम रहल रामपुर बहुमुखी क्याम्पसम नेकपा माओवादी केन्द्र निकट अखिल क्रान्तिकारीके विद्यार्थी नेता राना सभापतिम निर्वाचित हुइल रलही ।
अखिल क्रान्तिकारी केन्द्रीय सदस्य डम्बर कुँवर राना सभापतिम निर्वाचित हुइलक बटिल । राना आपन एमाले निकट अनेरास्ववियुके बिमला रेग्मीसे ५ मतके अन्तरसे हरइटि सभापतिम निर्वाचित हुइल बाटी । बिमलाले ८, रेग्मीले ३ व राप्रपा निकट प्रजातान्त्रिक विद्यार्थी संगठनके सोभा विष्ट२ मत लानल रलहि ।
कुल १४ मतदाता रहल रामपुर बहुमुखी क्याम्पसम १३ मत खस्लक क्याम्पस प्रमुख मदन बहादुर चन्दल बटिल । ओकर आघ अखिल क्रान्तिकारीके पदाधिकारी सदस्य निर्बिरोध निर्वाचित हुइल रलह । सचिवम क्रान्तिकारीके निसा लम्साल, कोषाध्यक्षम रुक्मणी चौधरी, सदस्यहुक्र रामफुल राना, रामेश्वरी राना, सिर्जना चौधरी, लिला राना, फुलकुमारी राना, रिता चौधरी निर्बिरोध निर्वाचित हुइल बाट ।
अखिल क्रान्तिकारी कञ्चनपुरके अध्यक्ष दल बहादुर धामी(अबिरल)हे निर्वाचित पदाधिकारीह बधाई देलक व ओर क्याम्पसम जित हासिल कर्ना दावि करल रलह। त्रिविका कञ्चनपुरम आंगिक सहित १५ क्याम्पस हुइलसेफे ६ म केल निर्वाचन हुइल रह ।
दिनेश चौधरी
