धार्मिक आस्थाह प्रवद्र्धन कर्ति व जेष्ठ नागरिकहुकनके इच्छाह सम्मान कर्ति लालझाडी गाउँपालिका पालिकाभित्रके ७० जन जेष्ठ नागरिकहन तिर्थ भ्रमणके अवसर प्रदान करल बा। विशेष समारोहबीच उ जेष्ठ नागरिकहुकन विदाई करल रलह ।
पालिकाके अनुसार बुढेसकालम तिर्थ जैना इच्छा रल से फेन विभिन्न कारणले जाइ निसेक्लक जेष्ठ नागरिकहन यी विशेष अवसर उपलब्ध हुइलक हो । आर्थिक अभाव, समय अभाव, वा अन्य व्यक्तिगत कारणले तिर्थ यात्रा कर निपैलक मनैइन नेपालक प्रमुख धार्मिक स्थलम पुगिना योजना अन्तर्गत यि कार्यक्रमके आयोजना करल हो ।
पालिकाके विदाई कार्यक्रम आयोजना कैक जेष्ठ नागरिकहन बिधिवत् रूपम खादा, फूलमाला र टीका लगाक बिदाई क्रल । विदाई कार्यक्रमम पालिका प्रमुख निर्मल राना, उप–प्रमुख सपना चौधरी राना, कर्मचारी, समाजसेवी तथा स्थानीय अभिभावकहुकनके ढिउर से ढिउर उपस्थिति रह ।
पालिकाके प्रमुख निर्मल राना कार्यक्रमके महत्वबारे प्रकाश पार्ति उहाँ कल, “हामार जेष्ठ नागरिकहुक्र जीवनभर समाज व परिवारके लाग बहुत योगदान देहल बाट । यी तिर्थ यात्रा तिनै दाईबाबनके सपना साकार पार्ना हामार प्रयास हो ।“ उहाँके अनुसार तिर्थ यात्राके क्रमम नेपालकै प्रमुख धार्मिक स्थल जनकपुरस्थित जानकी मन्दिर, लुम्बिनी व पशुपतिनाथ मन्दिर लगायतके ठाउम दर्शन कर्ना व्यवस्था रहल बटिल।
भ्रमण अवधिभर जेष्ठ नागरिकहुकनके सुविधाक लाग विशेष व्यवस्थापन करल बा । पालिका यात्राके लाग विशेष सहायक टोली खटाइल बा , जे हुकनके स्याहारसुसार करहि । साथै, खानपान, बसोबास व अन्य आवश्यक व्यवस्थाके फेन उचित ध्यान देहल बा ।
युवा समाजसेवी अमर राना यी कार्यक्रमहन सकारात्मक कदम कर्ति प्रशंसा कर्ल। उहा कल, “असिन कामके लाग हमा समाजम जेष्ठ नागरिकप्रति हामार दायित्व पूरा कर्ना सहयता पुगि। पालिकाके जेष्ठ नागरिकहुकनके मनोकामना पूरा कर्ना महत्वपूर्ण कदम चलाइल बा ।“
यी विशेष कार्यक्रमम सहभागी जेष्ठ नागरिकहुक्र ज्यादा उत्साहित देखैथ । कतिपय जीवनभर तिर्थ यात्राके चाहना धर्ल से फेन विभिन्न समस्याके कारण जाइ निसेक्लक अनुभव सुनैथ । ७५ वर्षीय एक जेष्ठ नागरिक कल, “बुढेसकालम तिर्थ कर पैना बहुत खुसी लागल बा । पालिका हामार लाग कर्लग यी व्यवस्था अविस्मरणीय रहि ।“
यात्रा अवधिभर जेष्ठ नागरिकहुकनके आध्यात्मिक वातावरणके अनुभव कर्ना मौका पैल कल हुकनक लाग बसोबास तथा खानपानके भरपर्दो प्रबन्ध मिलाइल बटिन । स्थानीय बासिन्दाहुक्र फेन पालिकाके यी कदमके खुल्क प्रशंसा कर्ल बाट । पालिकाके भविष्यम फेन वस्तह सामाजिक कामहन निरन्तरता देना प्रतिबद्धता जनाइल बा ।
दिनेश चौधरी
