बेलौरी, कञ्चनपुर -
कञ्चनपुरक्र हात्तीपीडित परिवारहुकन आर्थिक सहयोग करल बाट । गत असोजम जंगली हात्तीके आक्रमणम पर्लक ज्यान गुमैलक दुई पीडित परिवारहुकन आर्थिक सहयोग क्रलक हो ।
रर्फड ग्राण्टके आर्थिक सहयोगम संचालित मानव हात्तीद्वन्द्व न्यूनीकरण व मध्यवर्ती क्षेत्र सचेतना परियोजना मार्फत हात्ती पीडित परिवारहुकन नगदके संग शैक्षिक समाग्री सहयोग क्रलक जनाइल बाट ।
मानव हात्तीद्वन्द्व न्यूनीकरण व मध्यवर्ती क्षेत्र सचेतना परियोजना संयोजक डा. बलराम अवस्थी गत असोजम जंगली हात्तीके आक्रमणम पर्क मर्लक लालझाडी गाँउपालिका ४डाँगाजाईक रामदल राना व बेलौरी नगरपालिका ६ ढक्काचाँदरके उमेश चौधरीके परिवारहुकन आर्थिक एव शैक्षिक सहयोग क्रलक बटिल ।
परियोजना संयोजक डा. अवस्थी बन्यजन्तु पीडित परिवारके शैक्षिक आर्थिक, समाजिक क्षेत्रम सहयोग क्रना उदेश्यके साथ हात्तीसे मर्लक राना, चौधरी परिवारहुकन नगद १०÷१० हजारके साथै आश्रित परिवारक बालबालिकाहुकनहन शैक्षिक समाग्री जस्तै कापी, कलम, पेन्सिन वितरण क्रर्ल बाट । स्थानीय जनप्रतिनिधी, सरोकारवालाके उपस्थितिम दुनु परिवारहुकन सहयोग क्रलक हो ।
मृतक उमेशके बाबा जोगराज चौधरी व और मृतक रामदल रानाकी श्रीमती चन्द्रावती रानाहन नगद रकम एव शैक्षिक समाग्री हस्तान्तरण क्रल बाट । चौधरीके मैनाह जंगल व रानाके उखुखेत्वम हात्ती आक्रमण क्रक ज्यान लेहल रह । असिक दुनु हात्ती पीडित परिवारके घरम आक आर्थिक, शैक्षिक सहयोग पाक हर्षित हुइल बाट।
बेलौरी नगरपालिका ६के वडाध्यक्ष चौधरी पाछक दिनम हात्ती मनैनके बस्तीम पैथ लग्लत चुनौती थपल बटिल । वडाध्यक्ष चौधरी हात्ती नियन्त्रणके लाग योजना आघ सर्नाम जोड देल बाट । मानव हात्तीद्वन्द्व न्यूनीकरण व मध्यवर्ती क्षेत्र सचेतना परियोजना पाछक वर्षम कञ्चनपुरम मानव बन्यजन्तुविच द्वन्द्व न्यूनीकरण सुरक्षाके क्षेत्रम समुदाय स्तरम कार्यक्रम कर्ती आइल बा । कञ्चनपुरके झण्डै एक दशकसे भारी बन्यजन्तु हात्ती, बाघ, चितुवा, गैडाके आक्रमण बहर्लसे फेन नागरिक त्रसित हुइल बाट ।
सिद्धनाथ विज्ञान क्याम्पसक उपप्राध्यापक समेत होक मानव हात्तीद्वन्द्व न्यूनीकरण व मध्यवर्ती क्षेत्र सचेतना परियोजना संयोजक डा. बलराम अवस्थी मानव बन्यजन्तु दुनुके सहअस्थित्वक कार्यक्रम संचालनक लाग सरोकारवाला निकाय सचेत हुइनाम जोड देहल बाट ।
दिनेश चौधरी
