बेलौरी इलाका प्रहरी बेलौरीद्वारा अवैध बोइलर मुर्घीके बच्चा पक्रल बाट ।
सनिवार बेलौरी इलाका प्रहरी कार्यालयसे प्रहरी ना .निरीक्षक प्रेम बहादुर सावदके कमाण्डम खटल गस्ती टोली भारतसे अवैध रुपम नेपाल भित्रीना क्रमम अवैध बोइलर मुर्घीके बच्चा पक्रल हो।
अवैध बोइलर मुर्घीके बच्चा बेलौरी नगरपालिका वडा न २ कटान कना ठाउँसे बिहानक करिब ७ :३० बजे पक्रल रलह।
बोइलर मुर्घीके बच्चा करिब ४ हजार थो रलह कलसे करिब मुल्य ४ लाख बराबरके रलह यी अवैध बोइलर मुर्घीके बच्चाहन पशु क्वारेन्टाइन , उद्योगबाणिज्य संघके अध्यक्ष हिरा सिंह बिष्ट ,स्थानीय पत्रकारके रोहबरम नष्ट करल हो ।
इलाका प्रहरी कार्यालय बेलौरीके प्रहरी निरीक्षक भाष्कर चन्दके अनुसार अवैध बोइलर मुर्घीके बच्चा पक्रलक पहिलो रिकर्ड हो ।
चन्द कल कौने फेन अवैध रुपम चोरी,तस्करी कर्ना मनैन मोर फन्दामसे उम्क नि सेकही असिन चोरी , तस्करी अवैध धन्दा कर्ना मनैन रोवाकक लाग आपन गस्ती टोलीहन तीब्र रुपसे आघ बढिल बाटु ।
दिनेश चौधरी
