भारतसे आइबेर नेपालीहुकनसे भारतीय सुरक्षाकर्मी पैसा असुल कर्ना क्रलक आरोप लागल बा । सुदूरपश्चिम प्रदेशके प्रमुख दुई नाका-कैलालीके त्रिनगर व कञ्चनपुरके गड्डाचौकीमार्फत अइती रहल नेपालीहुक्र भारतीय सुरक्षाकर्मीसे असहज व अपमानजनक व्यवहार सहन बाध्य हुइलक बताइल बाट ।
भारतके विभिन्न राज्यम मजदुरी तथा कामके लाग गइल नेपालीहुक्र सीमाम कठोर चेकजाँच, अपमानजनक सोधपुछ व आर्थिक शोषणके शिकार हुइती रहल बा। गौरिफण्टा नाकासे अइलक कैलालीक बम थापा भारतीय सुरक्षाकर्मीहुकनसे ‘अनावश्यक झन्झट’ सृजना कर्क जबरजस्ती पैसा मग्थ कैक बटिल।
‘नाकाम सुरक्षाकर्मीहुक्र पहिल चेकजाँच क्रथ, वाकपाछ कौनो न कौनो बहाना बनाक पैसा मग्थ’ थापा कल, ‘हामीनजसिन दैनिक श्रमिकसे असिक पैसा असुली कर्ना खाली हात घर आइपरट ।’ आपन देश अइना कठिन बनैना कैक भारतीय सुरक्षाकर्मी व्यवहारबारे नेपाल सरकार कूटनीतिक पहलसे सहज बनिना नाकाम भेटिलक नेपालीहुकनके कहाइ बा। भारतसे अइती क्रलक नेपालीहुकन अपमान नाही, सम्मानके साथ घर आइ पैना हुकनके कहाइ रहल बटिन।
भारत–पाकिस्तानबिच बहड्लक द्वन्द्वसे हुइलक दुनु देशक सुरक्षाकर्मीहुक्र सीमाम कडाइ कर्ती बाट। तर सोही कडाइके नामम नेपालीहुकनहन लक्षित कैक आर्थिक शोषण हुइलक गुनासो बढल बा। सशस्त्र प्रहरी बल नेपालके अनुसार भारतसे जोडलक सुदूरपश्चिमके नाकाम आब्ब उच्च सुरक्षा सतर्कता अपनाइल बा। विशेष कैक नयाँ अनुहार वा शङ्कास्पद देखापर्लक मनैनके उप्पर थप निगरानी करल हो।सुदूरपश्चिम प्रदेश सरकार फेन सीमा क्षेत्रम विकसित परिस्थितिहन लेक सतर्क बनल बा। मुख्यमन्त्री कमलबहादुर शाह सुरक्षा निकायहुकनसे छलफल कैक सिमाना क्षेत्रम थप सतर्कता व सहजीकरण कर्ना निर्देशन देहल बाट।
चौधरी खबर
