बेलौरी नगरपालिका न्यायिक समितिके आयोजनाम २ दिनके मेलमिलाप कानुन सम्बन्धि तालिम हुइल बा ।
बुधबार , बेलौरी नगरपालिका न्यायिक समितिके मेलमिलाप करी सम्बन्ध बढाई कना मुल नाराके साथ बेलौरी नगरपालिका न्यायीक समितिके आयोजनाम मेलमिलाप कानुन सम्बन्धि तालिम सुरु हुइल हो।
कानुन सम्बन्धि तालिमम बेलौरी नगरपालिकाके दशै वडाके वडा अध्यक्ष ,वडा सचिव न्यायिक समितिके सदस्य शिवराज राना, आरती चौधरी , बेलौरी नगर प्रवक्ता हर्क भुलके फेन सहभागीता रह।
कार्यक्रमम न्यायिक समितिके सदस्य आरतीके अनुसार मेलमिलाप कानुम सम्बन्धि कार्यक्रमम अइलक सक्कु वडा अध्यक्षहुकन, वडा सचिव हुकन समयम कौनो फेन मुद्दा, खर खिचोला सत्य तथ्य न्यायीक समितिम बटिना जरुरी बा ।ओर कार्यक्रमके सफलताके शुभकामना देहल रलह ।
कार्यक्रमम बेलौरी नगरपालिका न्यायिक समितिके संयोजक तथा बेलौरी नगरपालिकाके उप- प्रमुख जोगराम चौधरीके सभापतित्वम कार्यक्रम आघ बढल रह। बेलौरी नगरपालिकाके प्रमुख प्रशासकीय अधिकृत गणेश सिंह ऐरी कार्यक्रमम प्रशिक्षक दिहुइया अधिवक्ता झँकर कुवँर देहल रलह ।
उप-प्रमुख जोगराम चौधरीके अनुसार न्यायिक समितिनके मनइन मुद्दा मामिला मेलमिलाप करिना सहज हुहिन कना हिसाबले यी तालिम सञ्चालन क्रलक हो। यी तालिमम दशै वडाके अध्यक्ष, वडा सचिवहुकन बलाक वडाम हुइलक खर खिचोला,न्यायिक समिति भित्तर कसिन मुद्दा, मामिलाहन हली से हली सहज तरिकासे जनतनहन न्याय देह सेक्जाइ कना उदेश्यके साथ यी कार्यक्रम क्रलक हो ।
प्रशिक्षक तालिम करुइया अधिवक्ता झँकर कुवँर एकदम मजासे प्रयोगात्मक तरिकासे बुझाक मेलमिलाप कानुन सम्बन्धि तालिम देहल रलह ।
कार्यक्रमके सञ्चालक न्यायीक समितिके उजुरी प्रसाशनके बिनोद चौधरी करल रलह ।
दिनेश चौधरी
