बेलौरी नगरपालिका वडा न ९ के आयोजनाम युवा युवतीहुकन आयमुलक तथा सिपमुलक सात दिनके भुट्ला कत्ना तालिम ओराइल बा।
मंगलवार, बेलौरी नगरपालिका ९ के आयोजनाम युवा युवतीहुकन आयमुलक तथा सिपमुलक सात दिनके भुट्ला कत्ना तालिम ओराइल रह।
नाइ तालिमम सिखुइया परिक्षार्थी दश जहनके सहभागीता रह। सिप सिखुइया सक्कु जना खुशी हुइती वडा अध्यक्ष लगायत वडा परिवारहन धन्यवाद देहल रलह ।
तालिम करुइया यकदम दक्ष अनुभवी मान्यता प्राप्त वाला माया चौधरी सात दिन सम भुट्ला कत्ना तालिम देलह रलह। उहाँ आपन भुट्ला कत्ना पसल फेन शान्तिपुरम सञ्चालन क्रल बाट।
कार्यक्रमम बेलौरी नगरपालिका वडा न ९ के वडा अध्यक्ष किसन सिंह रानाके सभापतित्वम कार्यक्रम आघ बढल रह।अस्तक कार्यपालिका सदस्य बसन्ती नेपाली, वडा सदस्य मोती सुनार,वडा सदस्य भपतिन्द्र भट्ट ,रोजगार संयोजक नरेश प्रसाद भट्ट ,वडा सचीव पार्वती बिष्ट ,साहेक कम्प्युटर अपरेटर्स जगदीश चौधरी, बेलौरी नगरपालिका महिला बिकास शाखाके बिमला बजगाई, समाजसेवी , बुद्धिजीवीके ढिउर से ढिउर सहभागीता रह।
अध्यक्ष किसन रानाके अनुसार नाइ सिपमुलक तालिम करिनाके खास उद्देश्य काहो कलसे वडाम रहल गरिव घरपरिवारके , अपाङ्ग रहल मनैइ आपन भविष्य बनाइक लाग,बिरोजगारम बैठल मनैन रोजगार बनाइक लाग व सीप सिखी आत्म निर्भर बन सेकही कना उद्देश्यके साथ यी कार्यक्रम धर्लक हो।
सीप सिखुइया सक्कु परिक्षार्थीहुकन भुट्ला कत्ना मेसिन फेन हस्तान्तरण करल रलह।
कार्यक्रमके सञ्चालन बेलौरी नगरपालिका वडा न ९ के साहेक अपरेटर्स जगदीश चौधरी करल रलह।
दिनेश चौधरी
