कञ्चनपुरके बेलौरी नगरपालिका वडा नम्बर १० अन्तर्गत अमृत डिष्टिलरीसे महाकाली सुगर मिलसम्मके करिब ७.५ किलोमिटर औद्योगिक मार्ग निर्माण काम तीव्र गतिम आघ बहड्ती बा।
संघीय सरकारके बजेटम सञ्चालित यी परियोजनाहन स्थानीय, प्राविधिक, प्रशासनिक व निर्माण पक्ष प्राथमिकताके साथ आघ बढल बाट। नगरके समग्र औद्योगिक व पूर्वाधार विकासके मेरुदण्डक रूपम यी डगरहन हेर्ल बाट।
सोमबार उ सडक खण्डके स्थलगत अनुगमन नगरप्रमुख पोतीलाल चौधरीके नेतृत्वम हुइल रह ।
स्थलगत अवलोकनम वडा नं. १० का वडाध्यक्ष सोमलाल चौधरी, बेलाैरी नगरका इन्जिनियर जगदीश जोशी, निर्माण कम्पनी महाकाली कन्ट्रक्सनके प्रतिनिधि, स्थानीय सरोकारवाला, युवा समाजसेवीहुकनके ढिउर से ढिउर सहभागीता रलह।
नगरप्रमुख चौधरी अनुगमन पाछ सञ्चारकर्मीहुकनसे बाटचित कर्ती कल,
“बेलौरी नगरपालिका आब विकासके नयाँ चरणम प्रवेश कर्ल बाट। हमार प्राथमिकता केवल पिच सडक बनैना केल नि होक, दीर्घकालीन विकासके यात्रा सुनिश्चित कर्ना फेन हो। असिन औद्योगिक मार्गसे नगरके समग्र कृषि, उत्पादन, व्यापार व लगानी प्रवाहहन सघैने बा।”
उ थप्ल“यी सडक योजनाम संघीय सरकारके बजेट ऐलसे फेन यकर सफलताम स्थानीयके सहभागिता, इमानदार निर्माण व प्राविधिक निगरानीम निर्भर हुइथ। हम्र पारदर्शिता, गुणस्तर व समयसीमाहन निरन्तर अनुगमन कर्ती बाटी। सडक निर्माण ओरैल पाछ नगरके कृषि, उद्योग, यातायात व बजार प्रणालीम समेत परिवर्तन अइना विश्वास बा।”
वडाध्यक्ष सोमलाल चौधरील कल,“यी मार्ग केवल उद्योगसम्मके पहुँच केल नि होक, यी हमार वडाके सपना हो। यहाँके कृषक, मजदुर, बालबालिका, वृद्धवृद्धा सक्कुनक दैनिकीम प्रत्यक्ष प्रभाव पारी। सडकले बस्तीहन बजारसे, उत्पादनहन ग्राहकहुकनसे, व नगरहन सम्भावनासे जोड्ना बा।”
इन्जिनियर जगदीश जोशीके अनुसार,“परियोजना मापदण्डअनुसार आघ बहड्ती बा। ग्राभेल, नाली, साइड स्ट्रक्चर, कभर स्ल्याबजसिन सक्कु पूर्वतयारी चरण निर्माणके क्रमम बात।
हाल पानीपिचके प्रक्रिया आरम्भ होस्याकल बा। दैनिक प्राविधिक सुपरिवेक्षण हुइदतल बा व मापदण्डअनुसार गुणस्तरीय सामग्री समेत प्रयोग हुइल देखाइत।”
उता, निर्माण व्यवसायी मदन खत्री कल,“यी काम सामान्य ठेक्काके विषय निहो। जनताके विश्वास, सरकारके लगानी व भावी पुस्ताके पूर्वाधार फे हो। हम्र दक्ष जनशक्ति, उच्चस्तरीय उपकरण, भरपर्ना आपूर्ति प्रणाली व समयअनुकूल काम तालिका तय कर्ल बाटी । यदि मौसमले साथ देलसे समयमै कालोपत्रे कैक हस्तान्तरण कर्ना सेक्बी।”
स्थानीय झलक शाह कल,“वर्षाै से अलपत्र यी सडक बन्ना हमार लाग भारी बाट हाे। यहाँक स्थानीय वर्षौंसे हिलो, धुलो, असहज यात्रा भोग्ती आइल रलही। आब दान्चेहुइल से फेन उद्योग सम्म जैना व कृषि ढुवानीक लाग स्थानीयहन सहज हुइलन।”
महिला अगुवा मञ्जु शाही कलिन“बिरामी बोक्ना एम्बुलेन्स आय निसेक्ना अवस्था रह। वर्षाम स्कुल जाय निपैना बच्चाहुक्र रलह। हम्र महिलाहुकनके असहज यात्रा व जोखिम माेलेर ओहोरदोहोर करपर्नस। कम्तीम आब ढुक्क हुइली।”
नगरके आगामी दिनम निर्माणके नियमित अनुगमन मकेल नि होक, स्थानीय सरोकारवालाहुकनसे समन्वय कर्क योजना फे बनाइल बा। जनताके विश्वास व विकासके मर्म समेत्के यी सडक आयोजनाहन सफल बनैना सन्दर्भम सक्कु तहके सहयोग बा।
सडक निर्माण नगरके पूर्वाधारम केल नि होक सामाजिक चेतनाम फेन नयाँ गति देना अपेक्षा करल बा। यी शिक्षा, स्वास्थ्य, कृषिजन्य व्यापार, औद्योगिक पहुँच व सामाजिक गतिशीलता सक्कुम सकारात्मक प्रभाव पर्ना देखाइत।
संघीय सरकारके पूर्वाधार विकास कार्यक्रम अन्तर्गत रहलक यी योजना, यदि कहल समयम समयसीमाम गुणस्तरपूर्वक ओराइल रह कल, सक्कुजहनम सहज हुइ।,
दिनेश चौधरी
