कञ्चनपुरके बेलौरी नगरपालिका १० श्री भगवानपुर आधारभूत स्वास्थ्य केन्द्र समुदायम AI X-ray से क्षयरोग खोज पडताल कार्यक्रम ओराइल बा।
बुधबार , बेलौरी नगरपालिका वडा न १० श्री भगवानपुर आधारभूत स्वास्थ्य केन्द्रम बेलौरी नगरपालिका स्वास्थ्य शाखाके आयोजनाम क्षयरोग मुक्त नेपाल घोषणा अभियानके अन्तर्गत समुदायम Al X-ray से क्षयरोग खोज पडताल कार्यक्रम ओराइल हो।
सेवा देह अइलक महाकाली प्रादेशिक अस्पताल कञ्चनपुरम कार्यरत डा.प्रतीक लेखक अस्तक रेडियोग्राफर निरीक्षक विरेन्द्र चन्द,स्वास्थ्य कार्यालय कञ्चनपुरका क्षयरोग फोकल पर्सन नरेन्द्र रावल होक सेवा देहल रलह।
अस्तक बेलौरी नगरपालिका वडा न १० के वडा अध्यक्ष सोमलाल चौधरी , क्षयरोग कार्यक्रम संयोजक दिनेश प्रसाद भट्ट ,बेलौरी स्वास्थ्य शाखाके कार्यरत सि.अ.हे.व मान बहादुर चन्द,बेवरी आधारभूत सेवा स्वास्थ्य केन्द्र प्रमुख गँगाराज भट्ट लगायत स्वास्थ्यकर्मीहुक्र फेन सेवाग्राहीहुकन सहयोग करल रलह।
सेवा लेह अइना जनतनके उपस्थिति ढिउर सेढिउर सहभागीहुइल रलह । सेवा लेहबेर कौनो समस्या नि होक सेवाग्राहीहुक्र मजासे आपन स्वास्थ्यके चेकजाच कराइल रलह । अत्रकिल नि होक सेवाग्राहीहुक्र बेलौरी नगरपालिका स्वास्थ्य शाखाह ओर चेकजाच करुइया डक्टरहुकन धन्यवाद देहल रलह।
बेलौरी स्वास्थ्य शाखाके सि.अ .हे .व मान बहादुर चन्द कल, सकभर कौनो जनताहेन फेन क्षयरोगसे मुक्त कराइक लाग यी कार्यक्रम कर्लक हो। यदि कौनो मनैनम देखा पर्लसे स्वास्थ्य शाखाम जाक नि: शुल्क उपचार हुइ कना बाट हमार अभियान अम्ही काल बिहिवार ४ वडाम फेन कर्ना बटाइल रलह।
क्षयरोग चेकजाज कराय अउइया सेवाग्राहीहुकनके सख्या पुरुष ८४ जना महिला २२८ जहनके चेकजाच होके जम्मा मनैइ ३१२ जन सेवा लेहल रलह उ मध्य पुरुष ९ महिला ११ जन कैक २० जहनम क्षयरोगके सम्भावित देखा परल कैक बेलौरी स्वास्थ्य शाखाके सि.अ.हे.व मान बहादुर चन्द चौधरी खबरहे जानकारी देहल रलह।
दिनेश चौधरी
