बेलौरी नगरपालिका वडा न ७ टेडिया व पौलाह गाउँम चितुवा बघ्वाके बिगबिगीसे मच्चल बा।
कञ्चनपुरके बेलौरी नगरपालिका वडा न ७ टेडिया गाउँम चितुवा बघ्वा सुवरके बच्चाहन खैल बा।
मंगलवार , बेलौरी नगरपालिका वडा न ७ टेडियाम पतिराम चौधरीके घरक ख्वारमसे करिब २५ किलो बराबरके सुरिक बच्चाहन रातिक १ बजेके समयम गन्नाके बारीम लैजाक खैलक हो।
अस्तकह यीहिनसे आघफेन टेडियाम मदन रानाके गोथ्वमसे २ थो छेग्री लैगिल रह , कलसे फेन तनिक दिनके वाद पौलाह भलमन्सा दिपक चौधरीके बगरोमसे २ थो छेग्रीहन खैलक गाउँके भलमन्सा दिपक चौधरी चौधरीखबरहन जानकारी कर्ल रलह।
अस्तकह बेलौरी इलाका प्रहरी कार्यालयसे प्रहरी टोली आक खैलक ठाउँ मुचुल्का बनाके व जनताहुकन सचेत होक बैथहो कैक बटिल।
बेलौरी नगरपालिका वडा न ७ के वडा अध्यक्ष प्रकाश श्रेष्ठ कल, बघ्वासे बचाइक लाग आपन आपन सुवर , छेग्री , ख्वारमसे नि खैना हिसाबले ख्वार बनैना जरुरी बा,अत्रकेल नि होक आपन आपन घर्के आजर पाजर बत्तीसे अजार बर्ल रहो, अजार बर्लसे बघ्वाहन खैना अलि अप्थ्यारो हुहिस कना बाट धर्ती , डगरम रहल पोलम लाइत नि रहल ठाउँम लाइत लगाइक्ते बेलौरी नगरपालिकाह जत्तसे जत्त हुइ परल कना बाट धर्ल बाट ।
