मंगलवार, बेलौरी नगरपालिका दुईथो वडाम एकसाथ ऐलानी जमिन नापजाँच शुरु कर्गिलक हो ।
बेलौरीके मेयर पोतीलाल चौधरी रामनगरमा नापजाँच कार्यके उद्घाटन कर्ती मंगलबार से ५ व ३ नम्बर वडाके ऐलानी जमिनके नापी शुरु कर्गिलक बटिल।
मेयर चौधरी बषौँसे जमिनके स्वामित्व निहुइलक किसानहन लालपुर्जा देना जनाइल बाट। ‘जनताहन जमिनके मालिक बनैना काम शुरु हुइल बा, ‘उ कल, ‘आब्ब दुई वडासे शुरुवात कर्गिलक नापजाँच बाँकी वडाम समेत क्रमिक रुपमा कर्बी।’
भूमि समस्या समाधान आयोग कञ्चनपुरके सदस्य दिल बहादुर देउवा आयोग मार्फत बेलौरीके दुई वडाम शुरुवात कर्गिलक नापजाँच अन्य पालिकाम समेत हुइती रलक जनाइल बाट। सदस्य देउवा छुटफुटहन समेत समावेस कर्ना बटिल।
बेलौरी नगरके उपमेयर जोगराम चौधरीके अनुसार बेलाैरीम नापजाँच शुरु कैगिल संग संग जनताम आशा पलाइल बटिन। भूमि समस्या समाधान आयोग कञ्चनपुरके सदस्य सचिव दिवैराज भट्ट लालपुर्जाके कामकाज निरन्तर आघ बधैनाम जनाइल बाट।
भूमि समस्या समाधान आयोग कञ्चनपुरके अध्यक्ष नेत्र प्रकाश पन्त जिल्लाभरी नापजाँच शुरुवात कर्गिलक जानकारी देहल बाट। अध्यक्ष पन्त यिहीसे आघ कौनो वडा, पालिकाम लालपुर्जा वितरण कर्गिलक बटिल ।
बेलौरीम साढे पाँच हजार से ढिउर झण्डै ५ हजार ५ सय ३१ किसान फारम भर्ल रलह । बेलौरी नगरम नापजाँच शुरु हुइलसे फेन भूमिहिन, सुकुम्बासी व अव्यवस्थित बसोबासी उत्साहित हुइल बाट।
