कञ्चनपुरके बेलौरीम लौव दर्ता हुइल भलमन्साहुकन प्रमाण पत्र वितरण तथा अष्टिम्की व अट्वारी पर्वके शुभकामना लेना देना कार्यक्रम ओराइल बा।
शुक्रवार, बेलौरी नगरपालिकाके आयोजना व बेलौरी नगर भलमन्सा समितिके सहजीकरणम गाउँ नवीकरण हुइना लौव हुइलक व लौव दर्ता हुइलक गाउँके भलमन्साहुकन प्रमाणपत्र वितरण तथा अष्टिम्की व अट्वारीके शुभकामना लेना देना कार्यक्रम ओराइल रह।
कार्यक्रमम बेलौरी नगर भलमन्सा समितिके अध्यक्ष अमर चौधरीके सभापतित्वम बेलौरी नगरपालिकाके बर्का पहुना नगर प्रमुख पोतीलाल चौधरी , मन्ला पहुना नगर उप-प्रमुख जोगराम चौधरी , नगर प्रबक्ता हर्क भुल , नगरपालिकाके निमित्त प्रमुख झपी ओझा, वडा न २ के अध्यक्ष कलबीर चौधरी , वडा न ७ के अध्यक्ष प्रकाश श्रेष्ठ , वडा न ९ के अध्यक्ष किसन सिंह राना , वडा न १० के अध्यक्ष सोमलाल चौधरी लगायत बेलौरी क्षेत्र भरके भलमन्साहुकनके ढिउर से ढिउर उपस्थिति हुइल रलह।
नगर प्रमुख पोतीलाल चौधरीके अनुसार शुभकामना लेना देना कार्यक्रम धर्नाके खास उद्देश्य कहो कलसे यक आपसम सदभाव कायम हुहिन ओर लौव भलमन्साहुकन प्रमाणपत्र देना केल भारी बाट नि हो, तर भलमन्साहुकन जिम्मेवार थपगिल बाटिन भलमन्सके बहुत भारी भुमिका बाटिन काहो कलसे गाउँ घरम छुती छुती झगडा , खरखिचोला सामान्य समस्याहन मिलिना अधिकार बटिन तब मार भलमन्साहुकन कौनो किसिमके तालिमके जरुरत परि त नगरपालिकासे करपर्ना सहयोग कर्बी कना प्रतिबद्धता जाहेर कर्ल रलह।
नगर उप-प्रमुख जोगराम चौधरी कल"गाउँम समस्याहन सुधारक लाग भलमन्सनहुकनके भारी जिम्मेवारी रह पर्ना जरुरी बटिन अत्रके नि होक बिकास कर्नाके दौरानम फेन ओत्रह भुमिका बटिन व गाउँघरके ड्गरम बाधल गोरु, भैस,नि बाध देना कैक गाउँम सचेत करिना भलमन्साहुकनके जिम्मेवार बधल बटिन।
वडा अध्यक्ष प्रकाश श्रेष्ठके अनुसार" गाउँम भलमन्सा, पधना हुइना जरुरी बा काजे कि कौनो फेन काम बिकाशके सन्दर्भ कहो या हर कामम गाउँके जनताहुकन परिचालन कर्ना भलमन्साहुकनके भारी भुमिका बटिन सक्कु गाउँके भलमन्साहुकन यक धिक्का हुइना जरुरी बा भलमन्साहुकन गाउँ हुइलक सत्य तथ्य बुझ्क केल काम आघ बधैबी कलसे पक्का फेन गाउँ समाज परिवर्तन होजाई अस्तहक वडान ७ के जनता यकदम सचेत बाट कैक बाहेरके मनै मोरथ्य कल त महिन बहुत खुशी लागल ७ नम्बर वडा म मै कमसे कम ३ हजार बोटबिरुवा गाउँके जनताहुक्र लगाके सहयोग कर्ल रलह।कति अइती रहल जन्म अष्टिम्की व अट्वारीके शुभकामना देहल रलह ।
सभापति अमर चौधरीके अनुसार"बेलौरी नगरपालिका भित्तर रहल राना व चौधरी मिलाक भलमन्सा १०७ जन भलमन्सा बाट ओर दर्ता कर्ना बाकी फेन बाट हमार भलमन्साहुकन खबर करुया किसान गम्वा सक्कुनके मोबाईलम म्यासेजसे सक्कु भलमन्साहुकन जानकारी करैथी भलमन्साहुकनके बहुत भारी जिम्मेवारी बा काजे कि आपन आपन गाउँटोलम डगरम रहल सरसमान जस्त ट्रली , हाइरोग , गोरु , भैसा डगरम नि बहन्ना गाउँसमाजम मजा बनाइक लाग भारी भुमिका बटिन अत्रकेल नि होक काजे कि हम्र अप्पने से सुरुवात कर्ना जरुरी बा यदि हम्र आघ्घह सचेत नि हुइबी तो भारी घटना हुइ सेकि तब मार भलमन्साहुकन टाइम टाइमम भलमन्साहुकन तालिम छ्लफल कर्ना जरुरी बा ।
अस्तहक बेलौरी नगरपालिका वडा न २ के वडा सदस्य बिक्रम बखरिया कार्यक्रमके सञ्चालन कर्ल रलह।
