कञ्चनपुरके पुर्नवास नगरपालि वडा न ४ जुल्फेडाडाम भारतसे भन्सार छल्क नेपाल भित्रीना क्रमम अवैध प्रतिबन्धित बोइलर मुर्घा पक्रल बाट ।
बुधबार , सशस्त्र प्रहरी बल नेपाल प्रस्तावित सीमा सुरक्षा गुल्म बेलौरीसे सशस्त्र प्रहरी नायव श्यामु रानाके कमाण्डम खटल ७ जहनके टोली बिहानके करिब ८ बजेके समयम भारतसे भन्सार छल्क नेपाल भित्रीना क्रमम अन्दाजी ५० किलो प्रतिबन्धित बोइलर मुर्घा पक्रल रलह।
अवैध प्रतिबन्धित बोइलर मुर्घाके मूल्य करिब १५ हजार रुप्या बराबरके रह।ओह बोइलर मुर्घा नष्ट करक लाग बेलौरी उद्योग बाणिज्य संघके टेक बहादुर सावंद, स्थानिय, पत्रकारके रोहवरम नष्ट कैगिल रह। मोटरसाइकल से ७ प ५९८४ नम्बर व यक थो इन्डियन मोटरसाइकल UP3 I AQ 4379 नम्बरके मोटरसाइकल भन्सार चलान हुइलक चौधरीखबरहन साहयक प्रहरी हल्दार नरेन्द्र प्रसाद जोशी जानकारी देहल रलह।
सशस्त्र प्रहरी बल नेपाल प्रहरी सीमा सुरक्षा गुल्म बेलौरीके सशस्त्र प्रहरी नायव उपरीक्षक ईश्वरी दत्त भट्ट अइतीकेल तस्करहुकनके खल्लिबल्ली हुइल बाटिन।
अस्तकह अवैध रुपम हुइना चोरी , तस्करी रोकक लाग आपन बेलौरी सशस्त्र प्रहरी बल सीमा सुरक्षा गुल्मसे तीब्र रुपम गस्ती टोली खटिल बाटी।
