भ्रष्टाचार बिरुद्ध जेनजी पुस्ता छेडलक आन्दोलनले केन्द्रीय सत्ता परिर्वतन कर्नाके संग जेनजी पालिका सरकारम केन्द्रीत हुइल बाट। जेनजी समुह भ्रष्टाचार र्वाकक लाग कञ्चनपुरके लालझाडी गाँउपालिका स्थानीय सरकारके ध्यानाकर्षण कर्ल रलह।
बुधबार जेनजी समुहके युवा विद्यार्थी लालझाडीम भ्रष्टाचार सीमा नाहन्क तर भ्रष्टाचार रोक्ना अख्तियार नि हेर्लक आरोप लगैती रोक्ना ज्ञापन पत्र बुझिलक जनाइल बाट।
हरेक योजनाम कमिसन खैना, आफन्तहुकन कोटेशन योजना वितरण कर्ना, विज्ञापन बिनै कर्मचारी धर्ना, बेथिति बढिलसे फेन अख्तियार सहितके निकाय रोक्ना चासो निदेलक कति जेनजी एक्सनम उत्रलक जनाइल बाट।
लालझाडी स्वतन्त्र युवा जेनजी समुहके संयोजक नारायण राना गाँउपालिका जनताके विकास निर्माण भन्दा भ्रष्टाचारम लिप्त हुइलक चालु आर्थिक बर्ष ०८२÷०८२के शुरुवातम ध्यानाकर्षण करिलक बटिल ।
भ्रष्टाचार, कमिसनतन्त्रके कारण सिङ्गौ गाँउपालिकाम बदनासे सक्कु क्षेत्र अस्थव्यस्थ हुइलक ओहरसे समयम भ्रष्टाचार रोक्ती जाइपर्नाम जोड देहल बाट। अत्रासम्मकी राष्ट्रिय स्तरके पत्रिकाम सुचना प्रकासित कर्लक बाफत फेन कमिसन खैना अन्य सक्कु योजनाम कर्मचारी जनप्रतिनिधी मिल्क कमिसन खैना हुइलक ओहरसे पालिका सम्बृद्धिके साटो दुर्गती ओहर उन्मुख हुइलक दु :ख पोख्ल बाट । पालिका विगत तीन वर्षके बजेट तथा खर्चके स्पस्ट, सार्वजनिक हिसाव किताव तत्काल पारदर्शी कर्ती सार्वजनिक करपर्ना, कौनो फेन जनप्रतिनिधि वा क्रमचारी अनियमितताम संलग्न हुइलक प्रमाणित हुइलसे सम्बन्धित प्रतिनिधि वा कर्मचारी तुरुन्त राजिनामा देहपर्ना, ब्यक्तिगत सम्पती विवरण सूचना प्राप्तिके हक ऐन ०६४ के दफा २७ बमोजिम गाउँ पालिकाके सम्पूर्ण जनप्रतिनिधिहुक्र व क्रमचारीहुक्र आपन सम्पती विवरण व स्रोत स्पस्ट रुपम सार्वजनिक करपर्ना, सरकारी सवारी साधनके चर्म दुरुपयोग हुइलक ओहरसे यीहिहन तत्काल रोकथाम करपर्ना, मनोमानी ढंग कर्लक करार क्रमचारी नियुक्ति खारेज करपर्ना, कार्य पालिकाके बैठक सार्वजनिक रुपम लाइभ प्रस्तुत करपर्ना, सामाजिक संजालम अइलक १० लाख के वजेट प्रमूख प्रशासकिय अधिकृतके मिलोमतोम निकासा हुइलक छानबिन करपर्ना, डगरम रलक भारी भारी खड्डा खुड्डीहन ग्राभेल दार्क दगर मर्मत कर्ना माग आघ सर्ल बाट। १० दिनभित्रह जेनजी आघ सर्लक माग कार्यान्वयन निकर्लसे आन्दोलनके चेतावनी देहल बाट। जेनजीके ज्ञापन पत्र बुझ्ती लालझाडी गाँउपालिका प्रमुख प्रशासकीय अधिकृत राज बहादुर सार्की पालिकाम कमिसन व भ्रष्टाचारजन्य गतिबिधी नि हुइलक दावि कर्ल बाट। २४भदौँ मंगलबार हुइलक जेनजी उग्र आन्दोलनम लालझाडी शान्त रलसे फेन आब्ब जेनजी समुहके युवा विद्यार्थी भ्रष्टाचार बिरुद्ध देख्गिल बाट।
चौधरी खबर
